Psalms 96:11 - Bible Ni Thothup

¹¹ Fayleng nge lanelang, mu felfelan’gow! Day, mu chub ni ba ga’ lingam, ma ku arrogon gubin e yafos ni bay u fithik’am;

Psalms 96:11 Σταυροειδείς Αναφορές

1 Kronicles 16:32

Day mu tolul nge gubin mit e yafos ni bay u fithik’am; pi flang nge gubin e yafos u dakenmed mu felfelan’gad!

Psalms 69:34

Tharmiy nge fayleng, day nge pin’en nib fos ni bay riy, mu pininged e sorok ngak Got!

Psalms 97:1

I SOMOL e pilung! Fayleng, mu felfelan’! Ngam felfelan’gad e pi donguch u lan e day!

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Isaiah 49:13

Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.

Luke 15:10

Ere nggog ngomed ni ku ireray rogon e pi engel rok Got ni yad ra felfelan’, ni bochan ta’reb e tadenen ni pi’ keru’ ko kireb ni be ngongliy.”

Luke 2:10

machane me ga’ar fare engel ngorad, “Dab mu tamdaggad! Ya ku gub ni nggog e thin ni bfel’ ngomed, ni ir e bayi pi’ e felfelan’ ni ba ga’ ngeb ngak urngin e girdi’.

Revelation 12:12

Ere mu felfelan’gad e pi tharmiy, ni gimed urngin e pi’in ni gimed be par u wur! Machane ri bayi gafgow e fayleng nge day! Ya ke yib fare Mo’onyan’ ngomed ni kari damumuw, ya manang ndaki n’uw nap’an ni nge par.”