Psalms 91:3 - Bible Ni Thothup

³ Rib mudugil nra ayuwegnem u urngin e riya’ nda mu nang ni bay’, ngu gubin e liliy ni yima yim’ riy.

Psalms 91:3 Σταυροειδείς Αναφορές

2 Samuel 24:15

Ma aram me pag SOMOL ba misilpig nga daken yu Israel, ni tabab ko kadbul nge mada’ ko ngiyal’ ni duwgiliy. I mus u baley fare nam nu Israel nge mada’ nga baley ma medlip i ragag e bbiyu’ e girdi’ ni yim’ riy.

1 Kings 8:37

“Ma ra yib e uyongol u lan e nam, ara ba misilpig, ara yib e nifeng nib gowel nge kirebnag e woldug, ara misilpig nma yib ko woldug, ara yu ran’ i asmen’ing, ara yib e pi to’ogor ra m’aged e mael ngak e tirom e girdi’, ara yib bmit e liliy ara m’ar ngorad,

Psalms 124:7

Kad thaygad ni bod ba arche’ ni thay ko wup ni tay be’ nma kol e arche’; ke kireb fare wup ka da chuwgad riy!

Psalms 141:9

Mu ayuwegneg ko fapi tafich ni kar ted ni nggu aw ngay, fapi wup rok e pi ta ngongol kireb.

Psalms 68:21

Got e rra bilig lolugen e pi to’ogor rok, ni pi’in darir paged wo’rad ni kireb.

Psalms 91:6

ara pi riya’ nma aw ko girdi’ nnep’, ara pi kireb nma thang e fan ko girdi’ ni rran.

Proverbs 6:5

Mu chuw u lan fare wup ni bod ba arche’ fa ba gamanman ni deer ni be mil rok ba tamun gamanman.

Proverbs 7:23

ni aram e gin bayi aw ba gat’ing riy ngak nge kuruf gumircha’en, ni bod ba arche’ ni be sor i yan ngalan ba nug, ya de nang ni be bibiy e riya’ i yan.

Eklesiastes 9:12

Dariy be’ nra nang e ngiyal’ nike taw nga tol’. Ni bod e arche’ nra gin ma ke aw ko wup, bod e nig nma aw ko nug, e re gadad nra ngalol e riya’ ni yug gadad ra dada’ ma kad awgad nga tafich.

Hosea 9:8

Got e ke l’ogeg ni gub profet ni nggu ginaeng e girdi’ rok nu Israel. Machane gubin yang ni gu ra yan ngay mi gimed guy rogon ni ngam thabey niged gag ni bod ba arche’. Mus ngalan e Tempel rok SOMOL ma girdi’ riy e to’ogor ko fare profet.

Amos 3:5

Gur rayag ni nge aw ba arche’ ko wup ni fa’anra dariy e wal riy? Gur rayag ni nge pangthal ba wup ni fa’anra dawor i bit ban’en ngay?

1 Timothy 6:9

Machane pi’in yad ba’adag ni nge yo’or e salpiy rorad e yad ma pagrad ngak e pin’en nma pingeg e girdi’ nge denen, miyad aw ko wup ko ar’ar ni aram e yibe ar’arnag e tin ndariyfan nge tin nra kireb nigey, ni ir e ma girengiy e girdi’ ko kireb miyad malog.

2 Timothy 2:26

Me sulan’rad ngorad ngar milgad nga orel ko wup rok mo’onyan’, ni ir e ke kolrad ke tayrad, yad be fol ko tin ni ba’adag.