Psalms 90:17 - Bible Ni Thothup

¹⁷ SOMOL ni Got romad, mang yigi par fal’egwa’ath rom romad. Ma ga man’og nagmad ko urngin e tin bay u gu rin’ed!

Psalms 90:17 Σταυροειδείς Αναφορές

BABYOR NI JOB 22:28

Ma urngin e tin ga ra ngongliy mra yan i aw ni bfel’, ma tamilang e bayi gal’ e kanawo’ rom.

Psalms 110:3

Rofen ni ga ra cham ngak e pi to’ogor rom e ra ognag e tirom e girdi’ ngom ni ngar uned ngom. Rogon e wa’angachal ni bay nri kakadbul, e aram rogon e pi’in pagel ni girdi’ rom ni bay rabad ngom nga daken fapi burey nib thothup.

Psalms 118:25

Mu ayuwegmad, SOMOL, mu ayuweg e pogofan romad! SOMOL, mu aywegmad nge yan i aw ni bfel’ e tin ni nggu rin’ed!

Psalms 27:4

Kug wenignag ta’a ban’en ngak SOMOL; ta’a ban’en e gu ba’adag, nggu par u lan e naun rok SOMOL u n’umngin nap’an e yafos rog, mu’ug ngat’ nga feni fel’ SOMOL, mu gog ngak ngi i pow’iyeg.

Psalms 50:2

Be mat ram’en Got u Zion, fare binaw ndariy thibngin ngaf ni fel’usun.

Psalms 68:28

A Got, mu dag gelngim, ni fare gelngin ni kam ayuwegmad ngay

Psalms 80:3

A Got, mu fulwegmad! Mu dag e runguy rom ngomad, ya nge dabi buch ban’en romad!

Psalms 80:7

Got ni Gubin ma Rayag Rok, mu fulwegmad! Mu dag e runguy rom ngomad, ya nge dabi buch ban’en romad!

Proverbs 16:3

Ngam tay nga pa’ SOMOL nge fal’eg wa’athan urngin e tin ka mu finey ni ngam rin, mra yal’uw rogon ni ngam muruwliy.

Isaiah 26:12

SOMOL, bay mu pi’ e fla’ab ngomad, ya urngin e tin gamad ma thognag ma wom’ngin e n’en ni ga ma rin.

1 Korinth 3:7

Cha’ ni yung nge cha’ ni pu’og e ran ngay e gathi rib ga’ farow. Ya Got e ir e ba ga’ fan, yi ir e be pi’ gelngin e woldug be ga’.

2 Korinth 3:18

Ma gadad ndawor ni upunguy ban’en nga owchedad e be gal ram’en Somol rodad nike af rok ngodad, ni gadad gubin ma be ga’ ram’en rodad i yan ma gadad be pig i yan nga ya’an e ren’en ni be gal ram’en rodad, ni fare Kan Nthothup rok Somol e be muruwliy e ren’ey.

2 Thessalonika 2:16

Somol rodad i Jesus Kristus nge Got ni ir e Chitamangidad, ni gamad ba t’uf rok e ir e ke runguydad ke ayuwegdad, ya ke pi’ e m’uthan’ ngodad nge reb e pagan’ nib muduwgil ni bay i par ndariy n’umngin nap’an,

1 John 3:2

Pi tafager rog ni gimed ba t’uf rog, chiney e gadad pifak Got, machane dawori tamilangan’dad u rogodad ni bay darod da pired. Machane ba’aray e tin gadad manang: nap’an nra yib i m’ug Kristus ma gadad ra bod ir, ya bay da guyed ir nrogon.