Psalms 9:18 - Bible Ni Thothup

¹⁸ Ma pi’in bt’uf e ayuw rorad e gathi gubin ngiyal’ ni yira pagtilrad; ma n’en nma l’agan e pi’in gafgow ngay e dabi par nib masengseng ni dariy n’umngin nap’an.

Psalms 9:18 Σταυροειδείς Αναφορές

Psalms 102:17

Bayi rung’ag laman e girdi’ rok nike n’agrad me motoyil ko meybil rorad.

Psalms 102:20

I rung’ag e gel’gel’ rok e pi kalbus, me chuweg u kalbus e pi’in kan turguy ni ngarm’ad.

Psalms 109:31

ni bochan e Ir e ma n’ufeg e pi’in ke gafgow mma ayuweg e pogofan rorad u pa’ e pi’in kar turguyed e gechig rorad ni yam’.

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Psalms 139:19

A Got, kari gum’ ni bochan ni manga yugu mu thang e pogofan rok e pi’in kireb! Ku gum’ ni bochan ni manga yigi pageg e pi girdi’ nma mathang pogofan!

Psalms 50:22

“Motoyilgad ko ren’ey, gimed e pi’in gimed be fekyathig, ya ri gu thang owchamed, ma dariy be’ nra ayuwegmed.

Psalms 71:5

SOMOL nib Th’abi Tolang, i gur e ke l’agan’ug ngom; ke pagan’ug ngom ni ka nap’an ni kugub bitir.

Psalms 72:4

Mang e yigi turguy e en pilung e tin ba manigil ni fan ko pi’in gafgow; mang e yigi ayuweg e pi’in ke t’uf e ayuw rorad, me gechignag e pi’in yad be gafgow nagrad!

Psalms 9:12

I Got e der ma pagtalin e pi’in gafgow, der ma pagtalin e meyor rorad; mma gechignag e pi’in yad ma rin’ e kireb ngorad.

Proverbs 23:18

Fa’anra aram rogon, ma par rom i yan e ngaram e bay e tamilang riy.

Proverbs 24:14

ere nge mich u wun’um ni erfeni fel’ e gonop nga lanin’uy. Mu yagnag e gonop ngom me par e yafos rom ni bfel’ rogon iyan.

Luke 1:53

Ke pi’ e tin ni bfel’ ban’en ngak e pi’in yad be yim’ ko bilig, ma ke pag e pi’in pire’ ban’en rorad karanod ndariy ban’en u pa’rad.

Luke 6:20

Me sap Jesus ngak pi gachalpen me ga’ar ngorad: “Ngam felan’gad e pi’in gimed ba gafgow, ya gin nsuwon Got e tafenmed!

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.