Psalms 9:12 - Bible Ni Thothup

¹² I Got e der ma pagtalin e pi’in gafgow, der ma pagtalin e meyor rorad; mma gechignag e pi’in yad ma rin’ e kireb ngorad.

Psalms 9:12 Σταυροειδείς Αναφορές

Genesis 9:5

Ma fa’anra thang be’ e pogofan rok be’, ma yira gechignag. Ma re gamanman nra li’ be’ nge yim’, e bay gu thang e fan rok ni gechig rok.

2 Kings 24:4

ma ri bochan urngin e pi girdi’ nde kireb e rorad ni thang e fan rorad. Daki n’ag SOMOL fan u wan’ e ran’ey ni rin’ Manasseh.

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Psalms 10:17

SOMOL, bay mmotoyil ko meybil rok e pi’in ba sobut’; bay mpi’ e athamgil nga lanin’rad.

Psalms 102:17

Bayi rung’ag laman e girdi’ rok nike n’agrad me motoyil ko meybil rorad.

Psalms 132:13

I SOMOL e ke mel’eg yu Zion; ba’adag ni nge ngongliy e tabinaw rok u rom, ya ga’ar:

Psalms 22:24

Der ma fek owchen rok e pi’in dariy ban’en rorad ara sabalbalyang ko pi gafgow rorad; der ma par u orel rorad, mma rung’ag lamrad e ngiyal ni yad ra man ayuw.”

Psalms 34:6

Pi’in ndabiyag ni ngar ayuweged yad e yad ra non ngak, me fulweg lungrad; me chuwegrad u fithik’ urngin e gafgow nike yib ngorad.

Psalms 68:17

Ma yib Somol u Sinai nge yan ngalan fa gin nib thothup, nike un ngak yu biyu’ i chariot rok.

Psalms 74:2

Mu tay u wun’um e girdi’ rom, ni mu mel’egrad kakrom ni ngar manged girdi’ rom, ni pi’in ni mu chuwegrad ko sib ngar manged birom e ganong. Mu tay’ u wun’um e Burey nu Zion, ni um par riy bingyal’.

Psalms 76:3

U rom e t’ar e pi gan e gat’ing rok e pi to’ogor riy, nge shield nge saydon rorad, gubin talin e cham rorad.

Exodus 3:7

Ma aram me ga’ar SOMOL, “Kug guy rogon ni yibe gafgownag e girdi’ rog u Egypt; kug rung’ag lamrad ni yad be wenig ni nga ni ayuwegrad u pa’ e pi’in yad be sib nagrad. Go’ gu manang murung’agen e gafgow ni yad be tay.

Exodus 3:9

Kug rung’ag laman e girdi’ rog ni yad be man ayuw ngog, ma kug guy gelngin e gafgow ni be tay piyu Egypt ngorad.

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Isaiah 8:18

Gu ba’aray nge pi bitir ni SOMOL e ke pi’ ngog. I SOMOL ni Gubin ma Rayag Rok ni bay tagil’ ko Burey ni Zion e ke l’oegmad ni nggu manged tamal’og rok nib fos ngak e girdi’ nu Israel.

Matthew 23:35

Aram fan ni gechig ni bay yib ni bochan urngin e girdi’ ni bfel’ nli’rad ngarm’ad e bay yib ngomed, ni mus ngak Abel nthang e fan rok ni be’ ni bfel’ e rok nge mada’ ngak Zekariah nib mo’on ni fak Barakiah, ni ir e mu li’ed ngem’ u thilin e Tempel nge altar.

Revelation 16:6

Kar pu’oged racha’en e girdi’ rok Got nge racha’en e pi profet, me ere kam pi’ e racha’ ni ngar unumed. Ya ke yag ngorad puluwon e ngongol rorad!”

Judges 10:16

Ma aram miyad n’ag fapi got nu boch e nam ni ur ted fan miyad liyor ngak SOMOL; me kirban’ ngak yu Israel ni kar awgad nga fithik’ e gafgow.