Psalms 88:1 - Bible Ni Thothup

¹ SOMOL ni Got, ni ta’ayuw rog, gu be yor ngalang ni polo’ e rran, me nep’ mu gub nga p’eowchem.

Psalms 88:1 Σταυροειδείς Αναφορές

Genesis 49:18

“SOMOL, gu be sonnag e ayuw ni bay mpi’.

1 Kings 4:31

I ir e th’abi gonop u fithik’ gubin e girdi’: ba gonop ngak Ethan ni be’ nu Ezrah, nge Heman, Kalkol, nge Darda, ni bogi pumo’on ni pifak Mahol, i garer bugwan u lan urngin e nam nib liyeg.

1 Kings 5:11

ra reb e duw me pi’ Solomon ngak Hiram 100,000 e barril e wheat nge 110,000 e gallon e gapgep ko olive.

1 Kronicles 2:6

Me Zerah ni walagen ni pumo’on e lal e pagel ni fak: Zimri, Ethan, Heman, Kalkol, nge Darda.

1 Kronicles 6:18

me Kohath e chitamngin Amram, Izhar, Hebron, nge Uzziel;

Nehemiah 1:6

SOMOL, mu changar ngog ngam telim ko meybil rog ni gu be tay ni rran nge nep’ ni fan ngak e tapigpig rom ni er yu Israel. Nggog ngom ni gamad piyu Israel e gamad be denen. Pi chitamngig ni kakrom e ur denengad ma ku er rogog.

Psalms 140:7

SOMOL rog nib Th’abi Tolang, ni yoror rog nib el, kam rungrung ngog u fithik’ e mael.

Psalms 22:2

Ra rran mu gu piningem, I gur Got rog, machane damur fulweg lamag; gu be piningem nnep’, ma daryag ni nggu toffan.

Psalms 24:5

SOMOL e bayi fal’eg wa’athrad me mat’aw nagrad ngak; I Got e bayi yog ni bfel’ e rorad.

Psalms 27:1

I SOMOL e tamilang rog me ir e bay rog ni be ayuwegneg i yan; dab gu rus ngak be’. SOMOL e be yororiyeg ko riya’; ere dab gu tamdag.

Psalms 27:9

dab mu mith rog! Dab mu damumuw ngog; dab mu n’ag e tapigpig rom. I gur e um ayuwegneg; dab mu pageg, dab mu n’igeg. I gur Got, ni ta’ayuw rog!

Psalms 42:1

Rogon ba gamanman ni deer ni finey e ran nib garbeb ni bay u lan ba lul’, e aram rogon ni ku gum’ ni bocham, I gur Got.

Psalms 51:14

Got, ni gur e ta’ayuw rog, mu ayuweg e pogofan rog, mu gu weliy ngak e girdi’ fanam mat’aw.

Psalms 53:1

Pi’in yad bbalyang e ma lungurad u lanin’rad, “Dariy e Got.” Yad gubin ni kar kirebgad, yad be rin’ bogi ban’en nrib gel e kireb riy; dakuriy ta’bagayad ni be rin’ e tin ni bfel’.

Psalms 62:7

I Got e ir e ke ayuwegneg ma ke gagiyegnag kan tayfag; Ir fare yoror rog nib gel; ma ir e manaf rog.

Psalms 65:5

Taban e meybil romed ni ga ma fulweg e gel ni gamad ma tay ko mael, ga be rin’ bogi ban’en ni yira ngat ngay nga mu ayuwegmad. Girdi’ u gubin yang u fayleng, nge girdi’ ni yad mmal’af nga ba’nem e pi regur e gur e pagan’ rorad.

Psalms 68:19

Ngan pining e sorok ngak SOMOL, nma fek e gilab rodad u reb e rran ngu reb; ir fare Got ni ta’ayuw rodad.

Psalms 79:9

A Got, mu aywegmad nge pogofan romad; mu ayuwegmad ma ga n’agfan u wun’um e denen romad ni bochan fithingam ni nge par nib gil.

Psalms 86:3

Mu runguyeg, ya gur e Got rog; gu be meybil ngom nib polo’ e rran.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 62:6

Jerusalem, daken e pi rungrung rom e kug tay e pi matanag riy; ndab ra th’abed gulungurad nnep’ nge rran. Thingar ra puged wuran ngak SOMOL e tin i micheg dab ra paged nge pag talin.

Luke 1:47

ke felan’ug ni bochan Got ni Tabiyul rog.

Luke 18:7

Gimed be finey ma dabi turguy Got e tin ni ir e bmat’aw nra fel’ rogon e tirok’ e girdi’ riy ni pi’in yad be wenig ngak ni rran nge neap’ ni nge ayuwegrad? Gimed be finey ma ba sowath nra ayuwegrad?

Luke 2:30

Ya kug guy nga owcheg e en ni kam pi’ ni ir e nge thapeg e girdi’ ngom,

Luke 2:37

me yim’ e pumo’on rok me par ni go ir nge gaman meruk i ragag nge aningeg e duw yangren. Nder pag e Tempel, ni rran nge neap’ ni be liyor ngak Got, ma be pag e abich ma be meybil.

1 Thessalonika 3:10

Rran nge neap’ ni gamad be wenig ngak u polo’ i lanin’mad ni nge guy rogon nge yag ni gu bad gguyed gimed ma gamad pi’ ngomed e tin nge yag ngomed ko michan’ romed ngak Kristus.

2 Timothy 1:3

Gu ma pining e magaer ngak Got, ni ir e gu be pigpig ngak ma dariy ban’en ni be yog lanin’ug ngog ni kug rin’ nib kireb, ni bod ni i rin’ pi chitamag. Gu be yibilayem ngak Got ma gu be pining e magaer ngak ni bocham nneap’ nge rran.

Titus 2:10

ara ra iringed ban’en rorad. Ya thingar ra daged ni gubin ngiyal’ ma yad bfel’ ma yad ba yul’yul’ u fithik’ urngin e tin yad be rin’, nge yag ni ngar girngiyed e fel’ ko machib ni murung’agen Got ni ir e ma thapegdad ngak.

Titus 2:13

ma gadad be sonnag fare Rran ni bfel’ ni ir e ke l’agan’dad ngay, ni aram e Rofen ni bay yib i m’ug e fla’ab rok e Got rodad riy ni ir e th’abi tolang ni er Jesus Kristus ni ir e ma thapegdad ngak Got.