Psalms 86:14 - Bible Ni Thothup

¹⁴ A Got, girdi’ ni tolngan’ e karbad ni togopluw ngog; ma barba’ i girdi’ ni kireb e yad be guy rogon ni ngar thanged e pogofan rog, ni girdi’ ni dariyfam u wan’rad.

Psalms 86:14 Σταυροειδείς Αναφορές

2 Samuel 16:20

Me cheal Absalom ngak Ahithofel nge ga’ar ngak, “Mog ngog e tin ni ngad rin’ed.”

2 Samuel 17:14

Me ga’ar Absalom nge urngin piyu Israel, “Kabfel’ e tin keyog Hushai ko tin keyog Ahithofel.” Ma aram e SOMOL e ke duwgiliy ni nge dab ni rin’ e tin ni bfel’ nike yog Ahithofel, ya nge yib e riya’ ngak Absalom.

Psalms 10:11

Pi’in kireb e yad be yog rorad ni yad be ga’ar, “Dariyfan u wan’ Got! Ke moleg owchen ni dabi guydad!”

Psalms 10:13

Bu uw rogon e pi’in kireb ni yad be fananikay Got ma yad be ga’ar u lanin’rad, “Got e dabi gechig nagdad”?

Psalms 10:4

Pi’in kireb e dariy fan SOMOL u wan’rad; mu fithik’ e tolngan’ rorad e yad ma leamnag ni dariy rogon Got.

Psalms 119:51

Pi tolngan’ e gubin ngiyal’ ni yad ma moning nigeg, machane dawor gu digey e motochiyel rom.

Psalms 119:69

Pi’in tolngan’ e yad be ban u murung’ageg machane gu be fol ko fanow rom u polo’ i lanin’ug.

Psalms 119:85

Pi’in tolngan’, ni darir folgad ko motochiyel rom, e kar fu’oged e low ni nggu mul nga langgin.

Psalms 14:4

Me fith SOMOL ni ga’ar, “Gur dar nanged? Gur urngin e pi cha’ney ni yad be ngongliy e kireb e de tamilangan’rad? Kar pired yad be leag u fithik’ e yargel e tirok e girdi’ rog, ma darir meybilgad ngog.”

Psalms 140:5

Girdi’ nib tolangan’rad e kar fal’aged ba tafich ni fan ngog; kar ted e wup rorad, ma to’oben e wo’ kar ted e pi tafich ngay ni ngar koledgag.

Psalms 36:1

Denen e ma non nib toy’ar u fithik’ i laniyan’ be’ nib kireb; be’ nike faluwes nag Got ma dariy doguwen u wan’.

Psalms 36:11

Dab mu pag e pi’in tolangan’rad ngar oggad ngog, ara pi’in kireb ngar tulufedgag.

Psalms 54:3

Girdi’ nib tolngan’rad e karbadnag e cham ngog; girdi’ ndariy e runguy rorad e yad be guy rogon ni ngar thanged e pogofan rog — bogi girdi’ ni der un Got u wan’rad.

Psalms 54:5

Mang e yigi cheleg Got e kireb rok e pi to’ogor rog nge aw ngorad. Ra thang owcharad ni bochan e ba yul’yul’.

Ezekiel 8:12

Me fitheg Got, “Fak e girdi’, ga be guy e n’en ni be rin’ e pi tayugang’ nu Israel nib mith? Yad gubin ni yad be meybil u lan e senggil nib sug nga ya’an bogi ban’en. Miyad be ga’ar: ‘SOMOL e darguy dad! Ya ke n’ag yu Israel.’”

Ezekiel 9:9

Me fulweg Got ni ga’ar, “Girdi’ nu Israel ngu Judah e bbuch e rorad ko denen ni ubchiya’. Yad be mathang pogofan u ga’ngin yang ma kar sugyed lan yu Jerusalem ko urngin mit e oloboch. Ma yad be ga’ar e Gag, SOMOL, e kug pi’ keru’ug ko binaw rorad ni da gur guy e n’en ni yad be rin’.