Psalms 81:7 - Bible Ni Thothup

⁷ Nap’an ni yib e oloboch ngomed, mi gimed piningeg, mu gu chuwegmed u fithik’. Gu fulweg lungumed u tagl’ig ni bay u fithik’ e yoko’ nib mith. Gu sikeng nagmed ko fare alublub nu Meribah.

Psalms 81:7 Σταυροειδείς Αναφορές

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Exodus 14:10

Nap’an ni chugur Farao, me guy yu Israel piyu Egypt ni karbad i yib ngorad; me rus piyu Israel, miyad wenignag e ayuw ngak SOMOL ni ba ga’ lamrad.

Exodus 14:24

Be puf e woch me par SOMOL ko fare nifiy nib k’iy ngalang ni aram fa gi manileng nge changar nga but’ nga daken e salthaw nu Egypt, me gagiyeg nagrad ngar rusgad ndaki ta’reb lungurad.

Exodus 19:19

Mi i ga’ laman fare yabul ni be thow. Me non Moses, me fulweg Got lungun nga lingan e dirra’.

Exodus 2:23

Me munmun me yim’ e pilung nu Egypt. Machane piyu Israel e kuyad be gowol ko gafgow ni yibe tay ngorad ko sib niyad be tay rok piyu Egypt, miyad yornag e ayuw ngalang. Me yan lamrad ngalang ngak Got,

Exodus 20:2

“I gag fare SOMOL ni Got romed ni gu fekmed nga wuru’ yu Egypt, ni aram e gin ni um sibgad riy.

Exodus 6:6

Ere ngamog ngak piyu Israel ni gu be ga’ar ngorad, ‘I gag SOMOL, e bay gu lagmed u tan gelngin e sib ni gimed be tay u Egypt. Bay gu pug pa’ag ngalang nib gel gelngin nggu pi’ ba gechig nib gel nga dakenrad, ma aram mu gu aywegmed.

Jeremiah 16:14

I ga’ar SOMOL, “Bayi taw nga bangiyal’ dabki mow e girdi’ nga fithingag ni gag fare Got nma par nib fos ni gag e gu chuweg e girdi’ nu Israel u lan yu Egypt.

Numbers 20:13

Ni yodoro’ u Meribah, ni aram e gin ni i togopluw piyu Israel riy ngak SOMOL, mu rom e dag SOMOL riy ngorad ni ir e ba thothup.

Numbers 20:24

“I Aron e dabi yan ngalan fare nam ni gu micheg ni bay gu pi’ ngak yu Israel; ya nge yim’ ni bochan e mu togopluwgow ko tin gog ni ngam rin’ew u Meribah.

Deuteronomy 33:8

Me yog murung’agen e ganong rok Levi ni ga’ar: “SOMOL, mu dag e tin nib m’agan’um ngay u daken Levi. Yad e girdi’ rom nib yul’yul’; mu sikeng nagrad faram u Massah, ma ga nangrad ko fapi alublub nu Meribah ni yad ba yul’yul’.

Deuteronomy 5:6

‘I gag fare SOMOL ni Got romed, e gu fekmed nga wuru’ yu Egypt, ko gin ni um sibgad riy.