Psalms 80:13 - Bible Ni Thothup

¹³ ma be yot’yot’ e pi babiy ni malboch nga but’, ma gamanman ni malboch e be damunmun riy.

Psalms 80:13 Σταυροειδείς Αναφορές

2 Kings 17:20

Me fek SOMOL owchen rok urngin piyu Israel, me gechig nagrad me pi’rad nga pa’ e pi to’ogor ni buchan’ nma’ngach nge yan i taw ko ngiyal’ nike tharbegrad u p’eowchen.

Psalms 89:42

Kam gagiyegnag e pi to’ogor rok kar gelgad ngak; ka mu gagiyeg nagrad ni yad gubin kar fefelan’gad.

Isaiah 5:5

“Ba’aray e n’en ni nggu rin’ ko re gi woldug rog ney ni grape. N’en ni ku gu yung nike mang yoror riy nib liyeg e bay gu chuweg, mu gu bilig nga but’ e yoror riy ni be rungrunguy, nge yib e gamanman ni malboch ngay ngi i kay ma be yot’yot’ nga but’.

Jeremiah 4:7

Bod ba gamanman ni layon nike yib ko gin ma mith riy, ba tagathay e pi nam e ke yib nga wean. Ke yib ni nge gathay yu Judah. Pi binaw nu Judah e bayi par ni dakriy woton u but’, ma dakriy be’ nra par u lan fapi binaw.

Jeremiah 5:6

Aramfan ni gamanman ni layon u loway e bayi thangrad; ma pilis ni malboch u daken e ted ni desert e bayi popofrad ni yochyang, ma pi leopard e bay ura pachpach gad niyad be fita’ u lan e yochi binaw rorad. Pi girdi’ ney e yad ra yan nga waen, ma yira popofrad ni bochan e denen rorad ni kaygi yo’or ma ke yo’or yay ni yad be pi’ keru’rad ngak Got.

Jeremiah 51:34

Pilung nu Babylon e th’ab yu Jerusalem ke languy. Ke m’aynag gathon fare binaw ni bod ba rume’; ni bod ba kan nike ful’ fare binaw. I fek e n’en ni ba’adad me n’ag e tin kabay riy.

Jeremiah 52:7

mi ni kuruf bang ko rungrung ko re binaw nem. Yug aram rogon nike yin’ yu Babylon fare binaw nga longob, me mil oren fapi salthaw nnep’. Ra milgad u bang ni ba chugur ko kanawo’ ni yan ko milay’ rok e en pilung, ngranod riy nga barba’ fare garog ni bay u thilin fa gal rungrung, miyad mil i yan ko loway nu Jordan.

Ezekiel 19:12

Machane u fithik’ e damumuw, min pug lik’ngin ngalang nga non’ nga daken e but’. Meb nifngin e ngek nge fengfengnag wom’ngin. Me m’ingm’ing papa’ngin; nge mlik’ min orfeg.

Nahum 2:3

Pi salthaw ni to’ogor romed e karfeked yungi shield ni row ma karon’ed madan e salthaw nib row. Kar flaged rograd ni ngar chamgad! Pi chariot rorad e be mat ni gowa nifiy! Ma pi os rorad e der paslag ko bukey.