Psalms 8:1 - Bible Ni Thothup

¹ A SOMOL, ni gur e SOMOL romad, rogon feni gilbugwam e ka ni guy u gubin yang u fayleng! Rogon feni sorom e ke yan ke pag e yu thal i tharmiy ngalang;

Psalms 8:1 Σταυροειδείς Αναφορές

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

Psalms 145:1

Got rog ma pilung rog, bay ug weliy rogon feni sorom ngan nang; bay ug pining e magaer ngom ndariy n’umngin nap’an.

Psalms 148:13

Yad urngin ni ngar pininged e sorok nga fithingan SOMOL. Fithingan e ir e th’abi ga’ u fithik’ urngin e ngachal; ma feni sorok e ba tolang ko fayleng nge tharmiy!

Psalms 36:5

SOMOL, t’ufeg rom ni dabimus e ke t’aw ko pi tharmiy; ma fenam yul’yul’ e ke mada’ nga lanelang.

Psalms 57:5

A Got, mu dag fanam gel u lane lang, nge fal’ngim u gubin yang u fayleng.

Psalms 63:1

A Got, i gur e Got rog, ku gum’ ni bocham. Polo’ i gag ni be yim’ ni bocham; ni bod rogon e belel nma yib, ni bod bangi binaw nike mlik, nike finey e ran.

Psalms 68:4

Mu tang niged Got, mon’ed e tang ni gimed be pining e sorok nga fithngan; mu fal’egned e kanawo rok e en ma yan u daken e manileng, fithngan e cha’nem e SOMOL— ngan felfelan’ u p’eowchen!

Psalms 8:9

A SOMOL, ni gur e SOMOL romad, feni sorom e ka ni guy u gubin yang u fayleng!

Psalms 81:1

Mu tolul niged e felfelan’ ngak Got nma n’ufegdad; mu tang niged e sorok ngak fare Got rok Jakob!

Psalms 84:1

SOMOL ni Gubin ma Rayag Rok, ri ba t’uf e Tempel rom rog!

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Tang Ko Pitang 5:16

Rib athib l’ugun ni yira kiss nag; gubin ban’en ni rarogon ma kagum’ ni bochan. Ppin nu Jerusalem, irera’ rogon e en gamareg.

Isaiah 26:13

SOMOL ni Got romad, yug boch e got e ki i gagiyeg nagmad, machane ri ma’agrag gur e SOMOL romad.

Habakkuk 3:3

Got e be yib u Edom; Got nib thothup e be yib ko yochi burey u Paran. Rama’en ni be galgal e ke sug nag lanelang; fayleng e ke sug ko pi lam ni be pining e sorok ngak.

Matthew 22:45

Ere fa’anra aram rogon ni pining David ‘Somol’ ngak mra di’in me yan i aw ni fare Messiah e ir be’ ni owchen David?”

John 20:28

Me fulweg Thomas ngak ni ga’ar, “Somol rog nge Got rog!”

Efesus 4:10

Ere en ni yan nga’ar e ku eram e cha’ ni yan ngalang nge pag urngin e tharmiy, ni nge suguy lanelang nge urngin ban’en ni bay u lanelang nib mu’un e fayleng ngay.

Deuteronomy 28:58

“Fa’anra dab mu yul’yul’gad ngu’um folgad u urngin e tin ke fil Got ngomed ni kan yoloy ngalan e re ke babyor ney, ma fa’anra da mur liyorgad nga fithingan nib pag feni manigil ma ba sorok SOMOL ni Got romed,

Filippi 3:8

Ni gathi kemus ni pin’em; ya urngin ban’en ma kug matha’eg ngay ni kari yan i aw ni lus ni bochan e bin ni kab ga’ fan e nggu nang Kristus Jesus ni ir e Somol rog. Bochan Kristus ma aram fan ni kug n’ag urngin ban’en; ya kug finey ni go’ chabung, ni fan e nge yag Kristus ngog,

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

Revelation 19:6

Ma aram mu gu rung’ag laman e girdi’ ni pire’ ni pire’, ni bod feni ga’ lingan ba lul’ ni ba ga’ ni beb i map’ u taban bangi war nib tolang ngalan e yibu’, ni bod feni ga’ lingan e dirra’. Mu gu rung’ag lamrad ni be lungurad, “Ngan pining e sorok ngak Got! Yi Somol, ni ir e Got rodad ni Gubin ma Rayag Rok e ir e Pilung!