Psalms 79:9 - Bible Ni Thothup

⁹ A Got, mu aywegmad nge pogofan romad; mu ayuwegmad ma ga n’agfan u wun’um e denen romad ni bochan fithingam ni nge par nib gil.

Psalms 79:9 Σταυροειδείς Αναφορές

2 Kronicles 14:11

Me meybil Asa ngak SOMOL ni Got rok ni ga’ar, “SOMOL, rayag rom ni ngam ayuweg barba’ i salthaw nib waer ni bod feni mom ni ngam ayuweg barba’ i salthaw nib gel. SOMOL ni Got romad mu ayuwegmad e chiney, ni bochan e gamad be gif ngom, mu daken fithingam e kugbad riy ni nggu chamgad ngak e re raba’ i salthaw ney nib ga’. SOMOL i gur e Got romad; dariy be’ nrayag rok ni nge gel ngom.”

Psalms 115:1

Kemus ni gur, A SOMOL, kemus ni gur e thingar ni gilnagem, ma gathi gamad, ni bochan e t’ufeg rom nge fanam yul’yul’ ni dabimus.

Psalms 25:11

SOMOL, mu n’ag fan u wun’um e denen rog, ni bod ni mog ni ga ra rin’, ya denen rog e bpire’.

Psalms 31:3

Gur e manaf rog nge rungrung rog; mu pow’iyeg mu gafaliyeg ni bod ni mu micheg.

Psalms 65:3

ni bochan e denen rorad. Pi kireb romad e ke gel ngomad, machane ka mu n’ag farad.

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Isaiah 48:9

“Fan e nge mathangeluwolnag e girdi’ fithingag, er fan nikug k’adan’ug ko damumuw rog; gube fil an’ug ni nge dab gu thang owchemed.

Jeremiah 14:21

Mu leamnag e tin mmicheg ma dab mu dabuymad; dab mu pag yu Jerusalem ngan m’aynag farad, ya ireram e gin tagil’im nib gilbuguwan. Dab mu th’ab fare m’ag ni mu ngongliy u thildad.

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Ezekiel 20:14

Machane da gu rin’, ni bochan e ra m’ayfan fithngag u fithik’ e pi nam nra guyed gag ni gu pow’iy yu Israel nga wuru’ yu Egypt.

Ezekiel 20:44

Ngiyal’ ni gu ra mithmith ni nggu gilnag bugwan fithingag, ma gimed e girdi’ nu Israel e gimed ra nang ni Gag SOMOL, ni bochan e dag fulweg taban e kireb romed, ni bod rogon ni susun e nge aw ngomed.” I SOMOL ni Th’abi Tolang e keyog e pi thin ney.

Ezekiel 20:9

Machane dag rin’, ni bochan e ra m’ayfan fithingag riy, ya fithik’ e girdi’ ni yad ma par e gu weliy riy ngak yu Israel ni gu ra pow’iyrad nga wuru’ yu Egypt.

Daniel 9:19

Somol, mu rung’ag e meybil romad. Somol, mu n’ag fan u wun’um e kireb romad. Somol, mu telim ngomad ma ga ngongol nge nang urngin e girdi’ ni gur e Got, dab mu sowath. Re binaw ney nge girdi’ riy e mmil suwon ngom.”

Daniel 9:9

I gur e ga ma runguy e girdi’ ma ga ma n’ag fan u wun’um e kireb rok e girdi’, yug aram rogon ni u gu togopluwgad ngom.

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Joshua 7:9

Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”