Psalms 79:6 - Bible Ni Thothup

⁶ Mu cheleg e damumuw rom nge sap ko pi nam ni darir liyorgad ngom, nge nga daken e girdi’ ni der meybil ngom.

Psalms 79:6 Σταυροειδείς Αναφορές

Psalms 14:4

Me fith SOMOL ni ga’ar, “Gur dar nanged? Gur urngin e pi cha’ney ni yad be ngongliy e kireb e de tamilangan’rad? Kar pired yad be leag u fithik’ e yargel e tirok e girdi’ rog, ma darir meybilgad ngog.”

Psalms 145:18

Ma ba chugur ngak urngin e pi’in yad ma non ngak, ni yad be non ngak u fithik’ e yul’yul’.

Psalms 53:4

Me fith Got ni ga’ar, “Gur, dar nanged? Gur pi chan’ey ni yad be ngongliy e kireb e de tamilngan’rad? Kar pired ni yad be mororo’ ko tirog e girdi’ u fithik’ e yargal, ma dariy bangiyal’ ni yad ma meybil ngog.”

Psalms 69:24

Mu pu’og e damumuw rom nge dakenrad; damumuw rom nib gel e nge kolrad!

Isaiah 42:25

Ere gagiyeg nagdad ngad thamiyed gelngin e damumuw rok, ngad gafgowgad u fithik’ e mael. Damumuw rok e bod ba nifiy ni yan u lan yu Israel ni ga’ngin, machane da ud nanged fan; dariy ban’en ni mit ngodad riy.

Jeremiah 10:25

Mu sapeg e damumuw rom ko pi nam ndarir liyor gad ngom nge nga daken e pi’in ni ka ra furyed gur. Kar li’ed e girdi’ rom; ma karted gamad ko bin but’ e fol ka ra paged e nam romad ni dakriy woton u but’.

Jeremiah 25:29

Bay gu tababnag e maruwel rog u lan e birog e binaw ni nge gafgow. Yad be leamnag ma yad ra thay ko gechig? Danga’, yira gechig nagrad, ya aram e nggu pi’ e mael ngak gubin e girdi’ nu fayleng. I Gag SOMOL ni Gubin ma Rayag Rok e gu be non.

Zefaniah 3:8

Me ga’ar SOMOL, “Ere yug muson, muson nag fare rran ni bay gu sak’iy nggu togopluw ko pi nam. Kug turguy u wun’ug ni nggu kunuy e pi nam nga ta’bang ya aram e nggu pagrad ngar thamiyed gelngin e damumuw rog. Ga’ngin e fayleng nra mogothgoth ko damumuw rog ni be mo’oruf.

John 16:3

Bay rrin’ed e pin’ey ngomed ya dawor ra nanged e en ni Chitamangiy ara gag.

John 17:25

Chitamag ni gab mat’aw! Girdi’ nu fayleng e dawor ra nanged gur, machane gag e gu manangem, ma tiney e girdi’ e kar nanged ni gur e kam l’oegeg ku gub.

Acts 17:23

Ya kug wan u lan binaw romed ma kug guy e yungi n’en ni gimed be meybil riy, ma ku kug pir’eg ba altar ni kan yoloy e re bugithin ni ba’aray nga daken nike ga’ar, ‘Ngak ba got nda nnang!’ Re got nem nda mu nanged ma gimed be meybil ngak e ireram fare Got ni nggu weliy murung’agen e chiney ngomed.

Roma 1:28

Bochan e daburad ni ngar ted u fithik’ i lanin’rad e tin riyul’ ni murung’agen Got, ma aram e ke pagrad Got yad be leamnag e tin nib kireb, ma yad be ngongliy e pin’en ni susun e dab ra ngongliyed.

1 Korinth 1:2

Ngak girdi’en e galesiya rok Got ni bay u lan yu Korinth, ni urngin e pi’in ni Got e ke piningrad ni ngar manged girdi’en, ni pi’in ke mil farad ngak Got ni bochan e kar ta’ab girdi’gad Kristus Jesus, ma kar ta’ab girdi’gad urngin e girdi’ nu gubin yang ni pi’in yad ma pining fithingan e Somol rodad i Jesus Kristus, ni ir e Somol rorad nge gadad:

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.