Psalms 78:8 - Bible Ni Thothup

⁸ Dab ra boded e pi chitamangirad kakrom, ni bogi girdi’ ni yad ba tatogopluw ma darir folgad, ni de muyluy e pagan’ rorad ngak Got, ma darir pired ni yad ba yul’yul’ ngak.

Psalms 78:8 Σταυροειδείς Αναφορές

2 Kings 17:14

Machane dar folgad; yad ba gelan’ ni bod e pi chitamangirad kakrom, nda i pagan’rad ngak SOMOL ni Got rorad.

2 Kronicles 12:14

Rehoboam e rin’ ban’en nib kireb, ni bochan e da i guy rogon ni nge nang e tin nib m’agan’ SOMOL ngay.

2 Kronicles 19:3

Machane yug aram rogon, ma bay felngim. Kam chuweg gubin e pow rok fare got ni bpin i Asherah ni i tay e girdi’ fan, mag ma guy rogon ni ngam fol ko tin nib m’agan’ Got ngay.”

2 Kronicles 20:33

machane yungi tagil’ e tayfan rok e pi’in ndar nanged Got e de gathay. Ere girdi’ e depig lanin’rad ni polo’ ni ngu’ur liyorgad ngak e Got rok e pi chitamngirad.

2 Kronicles 30:19

“SOMOL ni Got rok e pi chitamngimad, rogon fenam gol e ngam n’ag fan rok e pi’in yad be liyor ngom u polo’ i gumircha’rad, ni yug aray rogon ndawor ra be’ech niged yad nrogon ko motochiyel.”

2 Kronicles 30:7

Dab mu boded e pi chitamngimed nge pi walagmed ni piyu Israel nda ur yul’yul’gad ngak SOMOL ni Got rorad. Ya ka mu guyed nike gechig nagrad nrib gel.

BABYOR NI JOB 11:13

Job, mu yal’uweg gumircha’em. Mu nameg Got.

Psalms 106:7

Pi chitamangimad ni kakrom u Egypt e der nanged fan e pi maang’ang ni i rin’ Got; ra paged talin feni yo’or yay ni i dag Got e t’ufeg rok ngorad, miyad cheal ngar togopluwgad ngak e en ni Gubin ma Rayag Rok u rom ko fare gi day ni Red Sea.

Psalms 68:6

Ma pi’ e tabnaw ko pi’in dakuriy be’ rorad, ma chuweg e girdi’ u kalbus miyad felan’ ni ka ni pagrad, ma pi tatogopluw e bay ra pired u lan bbinaw ni kann’ag.

Psalms 78:37

Dar yul’yul’gad ngak; ma ku dar yul’yul’gad ko fare m’ag ni bay u thilrad.

Psalms 78:40

Rib yo’or yay nra togopluwgad ngak u lan e ted ni desert; bo’or yay nra kireb niged lanyan’!

Psalms 78:56

Machane kur pired ni yad be togopluw ngak Got ni Gubin ma Rayag Rok ma yad be sikengnag. Tin ni i yog e darir folgad riy,

Exodus 32:9

Moses, ku gguy feni gelan’ e pi girdi’ ney.

Exodus 33:3

Ngam marod nga ba nam ni pire’ ban’en riy ma ba yong’ol e but’ riy. Machane gathi bay gu un ngomed, ya gimed girdi’en ba nam ni gimed ba gelan’, ma richey mu gu li’med u kanawo’ ngam m’ad.”

Exodus 33:5

Me yog SOMOL ngak Moses ni nge yog ngak fapi girdi’ ni nge ga’ar, “Gimed bogi girdi’ nib gelan’. Fa’an gu ra un ngomed ma dabi n’uw nap’an mu gu thang owchamed. Ere mu lufed e nunuw romed, mu gu leamnag ko mang e nggu rin’ ngomed.”

Exodus 34:9

Me ga’ar, “SOMOL, fa’anra rriyul’ ni gub fel’ u wun’um, ma gu be wenig ngom ni ngam un ngomad. Pi girdi’ ney e yad ba gel’an, machane wenig ngom mu n’agfan u wun’um e denen nge kireb romad, ngam pagmad nggu manged girdi’em.”

Isaiah 30:9

Gubin ngiyal’ ni yad be togopluw ngak Got, gubin ngiyal’ ni yad be lifith l’ugunrad, ma gubin ngiyal’ ndaburad ni ngar motoyilgad ko fonow rok Got ngorad.

Ezekiel 20:18

Ere mu gu ta’chiylen ngak pifakrad ni dab ra uned nga ngonglen e pi gallabthir rorad ara rfalwokgad ko pi kanawo’ rorad ni kireb ara ur ted fan e pi liyos rorad.

Ezekiel 20:8

Machane mikyad par ni yad be togopluw ngog ndarir motoyilgad. Dar n’aged fapi liyos rorad nib sunsonogor ara rapged i tayfan fapi got nu Egypt. Kug fal’eg rogog ni nggu gechig nagrad ngar thamiyed ga’ngin gelngin e damumuw rog u rom u Egypt.

Acts 11:23

Fa’ani taw me guy rogon nike ayuweg Got fapi girdi’, me felan’ me tay ir ngorad ni yad gubin ni ngu’ur pired ni yad ba yul’yul’ ma yad bmuduwgil ngak Somol u polo’ i lanin’rad.

Acts 7:51

“Ri gimed ba gelan’! Lanin’med e bod laniyan’ e pi’in ndawor ra nanged Got, ma kam ninged telmed ni nge dab mu rung’aged e thin rok Got nike pi’ ni nganib nog ngomed. Ri gimed bod rogon pi chitamangimed: ku errogon gimed ni kafram i yib ni gubin ngiyal’ ma gimed be togopluw ngak fare Kan Nthothup!

Deuteronomy 31:27

Gu manang rogon farad gelan’ nge gelngin e togopluw ni yad ma tay. Fa’anra kar togopluwgad ngak SOMOL ni ku gub fos, ma kab gel e togopluw ni bay ur ted ngak u tomuren ni kugum’.

Deuteronomy 4:4

Machane gimed e pi’in ni mu pared nigmed ba yul’yul’ ngak SOMOL ni Got romed e kigmed ba fos e daba’.

Deuteronomy 9:13

“Miki ga’ar SOMOL ngog, ‘Gu manang ferad gelan’.

Deuteronomy 9:24

N’umngin nap’an ni kug nangmed, e gimed be par ni gimed be togopluw ngak SOMOL.

Joshua 22:15

Rabad ko fare binaw nu Gilead, ko girdi’ rok Ruben, nge Gad, nge ley ni Ngek e Manasseh,

1 Samuel 8:8

Ya ka nap’an e ngiyal’ ni ba’aram ni gu fekrad nga wuru’ yu Egypt miyad cheal ngu’ur ted fan yugu boch e got; me ere chiney e yad be rin’ ngom e n’en ni yad be rin’ ngog ni gubin ngiyal’.