Psalms 78:49 - Bible Ni Thothup

⁴⁹ I k’aring e tagnan’ ngorad nib gel u mirin e damumuw rok ni pu’og, ni yib ni bogi tamal’oeg ni nge mogothgoth.

Psalms 78:49 Σταυροειδείς Αναφορές

2 Samuel 24:16

Nap’an ni deg fare engel rok SOMOL ni nge gathay yu Jerusalem, me thilyeg SOMOL lanyan’ ko gechig ni ngan tay ko girdi’ me ga’ar ngak fare engel ni be thang e fan rorad, “Mu tal! Ya ke gaman!” Ngiyal’nem e bay fare engel u charen e gin ma gunugunuy Araunah nu Jebus e grain riy.

BABYOR NI JOB 1:12

Me ga’ar SOMOL ngak Satan, “Kefel’, ke milfan e urngin rok ngom, machane dab mu gad pa’am ngak.” Ma aram me yan Satan.

BABYOR NI JOB 20:23

Mu pag nge kay gubin e tin ba’adag! I Got e bayi gechignag u fithik’ e puwan’ nge damumuw nib gel.

Psalms 11:6

Ma pu’og e achaffin ni be daramram nga but’ nge sulfur ni be yik’ nga daken e pi’in kireb; me gechig nagrad ko nifeng nib gawel.

Exodus 12:13

Rracha’ ko pi mab e bayi mang pow ko pi naun ni gimed be par riy. Nap’an ni gu ra guy e racha’, mu gu luk’afmed ni dab gu bucheg ban’en romed, u nap’an ni gu be gechignag yu Egypt.

Exodus 15:7

Gelngim nib th’abi gel e ir e mu kirebnag ngay e pi’in yad be togopluw ngom; damumuw rom e gabulbul ngalang, me urfiyrad ni bod e ul.

Isaiah 42:25

Ere gagiyeg nagdad ngad thamiyed gelngin e damumuw rok, ngad gafgowgad u fithik’ e mael. Damumuw rok e bod ba nifiy ni yan u lan yu Israel ni ga’ngin, machane da ud nanged fan; dariy ban’en ni mit ngodad riy.

Lamentations 4:11

SOMOL e pu’og e damumuw rok nike mokun ketun gelngin; me yip’ e nifiy ngalan yu Zion ke urfiy nga but’.

Zefaniah 3:8

Me ga’ar SOMOL, “Ere yug muson, muson nag fare rran ni bay gu sak’iy nggu togopluw ko pi nam. Kug turguy u wun’ug ni nggu kunuy e pi nam nga ta’bang ya aram e nggu pagrad ngar thamiyed gelngin e damumuw rog. Ga’ngin e fayleng nra mogothgoth ko damumuw rog ni be mo’oruf.