Psalms 78:10 - Bible Ni Thothup

¹⁰ Dar ayweged fare m’ag u thilrad nge Got; mra siyegned ni ngar folgad ko motochiyel rok.

Psalms 78:10 Σταυροειδείς Αναφορές

Nehemiah 9:17

Ra siyegned ni ngar folgad rom, ma kar paged talin urngin e pin’en ni um rin’; ra paged talin fapi maang’ang ni um ngongliy. Miyad duwgiliy be’ u fithik’ e ufanthin ni nge yog e thin rorad me fulwegrad nga Egypt ngar pired ni yad e sib. Machane gur ba Got ni ga ma n’ag fan u wun’um e kireb; gab gol ma ba t’uf e girdi’ rom, ma ba sowath ni gama damumuw. Runguy rom e ba ga’, aram fan nda mu n’agrad.

Exodus 16:28

Me ga’ar SOMOL ngak Moses, “Uw n’umngin nap’an ni ngam pired ndabumed ni ngam folgad ko tin kugog ni ngam rin’ed nge pi motochiyel rog?

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.

Ezekiel 20:21

“Ma binem e mfen e ku ra togopluwgad ngog. Ku ra th’abed e motochiyel rog nge tin gog nra pi’ e yafos ko en nra fol riy. Ku ra dariyfan naged e Sabbath. Kug fal’eg rogog ni nggu gechig nagrad ngar thamiyed ga’ngin gelngin e damumuw rog, u rom u lan e ted ni desert e nggu thang owcharad riy.

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.

Deuteronomy 31:20

Bay gu fekrad ngalan e re nam nem nib madnom ma ba yong’ol e but’ riy, ni bod ni gu micheg ngak pi chitamangirad kakrom. U rom e rayag ngorad riy urngin e ggan ni yad ba’adag, ma bay ur pired ni bfel’ rogorad. Machane bay ra pi’ed keru’rad ngog ngu’ur tedfan yugu boch e got. Bay ra dabuyedgag miyad th’ab fare m’ag ni kug ngongliy u thilmad,