Psalms 77:20 - Bible Ni Thothup

²⁰ Ga be gafaliy e girdi’ rom ni bod ba tagafaliy e saf, ni Moses nge Aron e ga’ rorad.

Psalms 77:20 Σταυροειδείς Αναφορές

Psalms 78:52

Ma aram me gafaliy e girdi’ rok nga wuru’ yu Egypt ni bod ba tagafaliy e saf ni pow’iyrad u daken e ted ni desert.

Psalms 80:1

Gur fare tagafaliy e saf nu Israel, mmotoyil ngomad; mu rung’ag e meybil romad, gur e tagagiyeg romad. Kam par nga tagl’im ngalang ko kerubim

Exodus 13:21

Ra rran me yan SOMOL ni be m’on rorad ni bangi manileng nib k’iy ngalang ni aram e be pow’iyrad ko gin ngranod ngay, me nep’ ma be m’on rorad nib nifiy nib k’iy ngalang ni fan e nge tamilang owcherad, nge yag ni ur milekaggad ni rran nge nep’.

Exodus 14:19

Fare engel rok Got, ni ir e i yan ni be m’on rok piyu Israel e thiliyeg gil’ nge yan nga tomur rorad. Fare gi manileng nib k’iy ngalang ni bay u m’on rorad e n’ag gil’ nge yan i par nga wuryel rorad.

Isaiah 43:16

Kakrom e ngongliy SOMOL ba kanawo’ ni yan u maday, bpa’ i kanawo’ ni yan u fithik’ e day ni be gireng nib gel.

Hosea 12:13

Me l’oeg SOMOL ba profet ni nge leag e girdi’ nu Israel ko sib ni yad be tay u Egypt me ayuwegrad.

Habakkuk 3:15

Pi os rom e i yot’yot’ lan e day, me cham e day me m’ag e wuth daken e day.

Numbers 9:22

Demturug ko l’agruw e rran, fa reb e pul, ara reb e duw, ma n’umngin nap’an ni be par fa gi manileng u daken fare Tent ma aram e ka be par piyu Israel ko fa gin’em; machane nap’an nra muf ngalang miyad milekag.

Deuteronomy 11:5

Gimed manang e tin ni rin’ SOMOL ni fan ngomed u daken e ted faram ni dawor mu tawgad ngaray.