Psalms 76:6 - Bible Ni Thothup

⁶ A Got rok Jakob, nap’an ni mu puwan’ ngorad, me aw e os nge pi’in nma yan u os nga but’ ni karm’ad.

Psalms 76:6 Σταυροειδείς Αναφορές

2 Samuel 10:18

me tuluf piyu Israel fapi salthaw nu Syria ngar sulod. Me David nge pi salthaw rok e ra li’ed nge yim’ 700 e Syria ni girdi’en e yan u chariot nge 40,000 e pumo’on ni mayan u os, mar mad’adgad ngak Shobach, ni fare ga’ ko salthaw ni to’ogor, ni yim’ u gil’ e mael.

2 Kings 19:35

Re nep’ i n’em e yan ba engel rok SOMOL ko gin be par e salthaw nu Assyria riy nge thang e pogofan rok 185,000 i yad. Ma fa’ani puf e woch ma go’ yad ba yam’ ni yad bay u rom.

2 Kronicles 32:21

Me l’oeg SOMOL ba engel nge thang e fan rok e salthaw nge tolang ko fa raba’ i salthaw nu Assyria. Ma aram me sul fare pilung nga Assyria nike tamra’. Me yan i reb e rran ni bay u lan e tempel ko got rok, me yib boch i pifak ni pumo’on ni bay e saydon rorad ngar li’ed nge yim’.

Psalms 104:7

Nap’an ni mu puwan’ ngak me mil; nap’an nrung’aged ni ka mu tolulnag e tin ngan rin’, me chuw nge yan nib machreg.

Psalms 18:15

T’ay e regur e ke m’ug, ma pi enggin e fayleng e ke chuw e upong u daken, u nap’an e mu puwan’ ko pi to’ogor rom, SOMOL, ma ga tolul ngorad u fithik’ e damumuw.

Psalms 80:16

Pi to’ogor romad e kar paged e nifiy ngay ma kar th’abed nga but’; mu changar ngorad u fithik’ e damumuw ngam thirifrad u but’!

Exodus 15:1

Me yin’ Moses nge piyu Israel e re tang ni ba’aray ngak SOMOL: “Nggu tangnag SOMOL, ya gel nike tay e rib sorok riy; ke yin’ fapi os nge pi’in ni kar afgad nga daken nga maday.

Exodus 15:10

SOMOL, ri ta’abyay ni mu pag athon l’ugunam me thareyrad e day; miyad ligil nga’ar ni bod e plomow.

Exodus 15:21

Me yin’ Miriam e re tang ni ba’aray ngorad, “Ngan tangnag SOMOL, ya gel nike tay e rib sorok riy; ke yin’ fapi os nge pi’in yad be yannag nga maday.”

Isaiah 37:36

Re nep’ i n’em e yan ba engel rok SOMOL ko gin be par e salthaw nu Assyria riy me thang e pogofan rok 185,000 e salthaw. Ma fa’ani puf e woch ma yad gubin ni yad bay u but’ ni karm’ad.

Jeremiah 51:39

Gur yad ba dogol? Bay gu fal’eg ba mur ni farad ngar ching niged miyad felfelan’. Bay ra mulod ni dakriy e ngiyal ni yad ra od.

Jeremiah 51:57

Bay gu gagiyegnag e pi tolang riy ngar chinggad — girdi’ nib gonop, nge tayugang’, nge salthaw. Bay ra molod ni dab kur odgad. I gag fare pilung e gu be non; ni Gag fare SOMOL ni Gubin ma Rayag Rok.

Ezekiel 39:20

U daken e tebel rog e bay ra languyed urngin e tin nrayag rorad e os nge pi’in yad ma yan u os, nge salthaw nge pi girdi’en e mael. I Gag SOMOL ni Th’abi Tolang e kugog e pi thin ney.”

Nahum 1:6

Nap’an e ra damumuw, me mini’ e rayag ni fas? Mini e rayag ni fas u gelngin e damumuw rok? I pu’og e damumuw rok ni be daramram; me pilpil e war nge par ni bod e fiyath u p’eowchen.

Nahum 2:13

I SOMOL ni Gubin ma Rayag Rok e be ga’ar, “I Gag e to’ogor romed! Bay gu urfiy e pi chariot romed. Ma pi salthaw romed e bay ram’ad u fithik’ e mael, ma bay gu fek u pa’med urngin e tin mu feked rok e girdi’. Ma tin nge yog e pi tamal’og romed ni ngan rin’ e dab kun rung’ag.”

Nahum 3:18

Pilung nu Assyria, pi governor rom e karm’ad, ma pi pilung e kar moled ni dariy n’umngin nap’an! Girdi’ rom e kar wearweargad u daken e pi burey, ma dariy be’ ni ku ra fulwegrad bayay nga tabnaw.

Zekariah 12:4

Rofen nem e bay gu k’aring e morus ngak e pi os rorad, mu gu balyang nag girdi’en e yan u os. Bay gu matanagiy piyu Judah, ma pi os rok e pi to’ogor rorad e bay gu ma’ew nagrad.

1 Samuel 26:12

Ma aram me fek David fare sarey nge fare tafen e ran u charen lolugen Saul, mranow Abishai. Dariy be’ ni guy fa nang e n’en ke buch ma ku dariy be’ ni od — yad gubin ni go’ yad bmol, ni bochan e SOMOL e ke k’aring bang i chuchuw ngorad nib gel.