Psalms 76:12 - Bible Ni Thothup

¹² ma sobut’nag lanyan’ pipifak e pilung ni tolngan’rad, ma k’ar marus ngak e pi pilung nib gel.

Psalms 76:12 Σταυροειδείς Αναφορές

2 Kronicles 32:21

Me l’oeg SOMOL ba engel nge thang e fan rok e salthaw nge tolang ko fa raba’ i salthaw nu Assyria. Ma aram me sul fare pilung nga Assyria nike tamra’. Me yan i reb e rran ni bay u lan e tempel ko got rok, me yib boch i pifak ni pumo’on ni bay e saydon rorad ngar li’ed nge yim’.

Psalms 2:10

Gimed e pi pilung, mmotoyilgad ko re thin ni ba’aray nib ginaeng ngomed, gimed pi tagagiyeg ko fayleng, thingar mu nanged e pi thin ni ba’aray:

Psalms 2:5

Ra damumuw nge ginangrad, me k’aring e marus ngorad ko damumuw rok.

Psalms 47:2

I SOMOL, ni ir e ba Th’abi Tolang, e ngan dugow ngak; i ir ba pilung ni th’abi ga’, ni be gagiyegnag e fayleng ni polo’.

Psalms 50:14

Ogmagaer e nge mang maligach romed ngak Got, mu pi’ed ngak e en ni Gubin ma Rayag Rok gubin e tin ni kam og niged.

Psalms 68:12

“Pilung nge salthaw rorad e ra milgad!” Ma ppin ni bay u tabnaw e ra f’oded rorad e tin ni kol ko mael;

Psalms 68:35

Ri ra ngat’ ngak Got nike yib u tagil’ nib thothup — fare Got rok yu Israel! Ma pi’ gelngin ngak e girdi’ rok. Ke sorok Got!

Isaiah 24:21

Bay bingyal’ ni be yib ni bayi gechignag SOMOL e pi’in nib gel gelingrad u lang nge pi’in ma tagagiyeg u fayleng.

Levitikus 23:38

Pi madnom ney e nge cheag ko pi madnom ni Sabbath, ma pi maligach ney e nge chag ko pi maligach ni gimed ma pi’, nge tin ni mmicheged ni ngam pi’ed ngak, nge tin gimed e mu leam niged ni ngam pi’ed ngak SOMOL.)

Zefaniah 3:6

Be ga’ar SOMOL, “Kug thirif e pi nam ni polo’ u but’; ma kug gathay e pi binaw rorad ke par e pi yoror nge pi tafen e damit riy ni dakriy woton u but’. Fapi binaw e dakriy be’ riy; ma yupa’ i kanawo’ e dakriy be’ ni be yan riy, ya dariy be’ ni magach.

Joshua 5:1

Urngin e pilung rok e pi Amorite ni yad bay ko ngal ko lul’ ni Jordan nge urngin e pilung rok yu Kana’an ni yad bay u to’oben fa gi day ni Mediterranean fithingan e rrung’aged nike chuweg SOMOL e ran u lan e lul’ ni Jordan ko ngiyal’ ni ba’aram ni yib piyu Israel ra th’abed nga baraba’. Me yib e marus ngorad nge mulan’rad ni bochan piyu Israel.

Revelation 6:15

Ma aram e pi pilung nu fayleng, nge pi’in yad be gagiyeg nge pi tolang ko salthaw, nge pi’in ni bo’or ban’en rorad nge pi’in ni ba ga’ lungurad, nge tin ni kabay e girdi’, ni pi’in yad e sib nge pi’in ni gathi yad e sib ko girdi’ e ra mithgad ngalan e yiy nge nga tan e war u daken e burey.