Psalms 74:10 - Bible Ni Thothup

¹⁰ A Got, bu uw n’umngin nap’an ni ngi i minmin e pi to’ogor romad ngom? Ngu’ur dariy fanaged fithingam ni manemus?

Psalms 74:10 Σταυροειδείς Αναφορές

Psalms 44:16

ni fan e moning nge thin ni kireb ni gu be rung’ag rok e pi to’ogor rog nge pi’in dubrad dakenag.

Psalms 6:4

SOMOL, moy ngam ayuwegneg; u fithik’ e runguy rom e ngam lageg riy ko yam’.

Psalms 79:12

Somol, mu fulweg labgen ngak e pi nam ni medlip yay ni bochan urngin e thin ni kireb ni yad be rugoy ngom.

Psalms 89:46

SOMOL, uw n’umngin nap’an ni ngam mithagem, dariy n’umngin nap’an? Uw n’umngin nap’an ni nge yik’ e damumuw rom ni bod e nifiy?

Isaiah 37:23

Mini’ e ga be leamnag ni ga be togopluwnag e welthin ngak ma ga be moningnag? Ga be dariy fan nigeg, i Gag fare Got nib thothup nu Israel.

Daniel 12:6

Bagayow e ga’ar ngak fare mo’on nike yin’ e mad nib wech nib sak’iy nib kan boch nga p’ebugul e lul’, “Uw n’umngin nap’an me yan i mus e pin’ey ni yibe ngat ngay?”

Revelation 6:10

Miyad tolul ni ba ga’ lamrad ni be lungurad, “Somol ni Gubin ma Rayag Rok, ni gab thothup ma gab yul’yul’! Uw n’umngin nap’an mfini mpufthinnag e girdi’ nu fayleng ma ga gechig nagrad ni bochan e ra thanged e fan romad?”