Psalms 74:1 - Bible Ni Thothup

¹ A Got, mangfan ni kam n’agmad ni aray rogon? Mog, yug ra um par ni gab damumuw ko girdi’ rom ni dariy n’umngin nap’an?

Psalms 74:1 Σταυροειδείς Αναφορές

2 Kings 21:14

Ma pi’in yad ra magey ndab ram’ad e gu ra digeyrad, bay gu pi’rad nga pa’ e pi to’ogor rorad, ni bay ra gelgad ngorad ngar feked u yargal e tin bay u daken e nam rorad.

Psalms 10:1

SOMOL, mangfan ni ka mu par u orel? Mangfan ni ga be mith ko ngiyal’ nike yib e oloboch ngomad?

Psalms 100:3

Dab mpaged talin i SOMOL ni ir Got! Ir e sunumegdad, ma bmil fadad ngak; gadad girdi’en, gadad fare ran’ i saf rok.

Psalms 18:8

Yib e ath u lan p’ethngun nga but’, ma nifiy ni be daramram nge coal ni be yik e yib u l’ugun nga but’.

Psalms 42:11

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 42:9

I Got, ni ir e be yoror rog, e ke lungug ngak, “Mang ni kam pag talig? Mang nthingar ug gafgow ko kireb nib gel ni be tay e pi to’ogor rog ngog?”

Psalms 44:9

Machane, chiney e kam digeymad ma kam pagmad kug waergad; dakmur un ngak e pi salthaw romad ko mael.

Psalms 50:1

SOMOL ni fare Got ni Gubin ma Rayag Rok e be non; be pining e fayleng ni ga’ngin ni tabab ko ngek nge yan i mada’ ko ngal.

Psalms 60:1

Got, kam n’agmad, ma kam waer nagmad; Ku’um damumuw ngomad; ma wenig ngom mu sul ngomad.

Psalms 60:10

Got rriyul ni karim n’agmad? Mog, dab kum un ngak e pi salthaw romad ko mael?

Psalms 77:7

“Gur, gubin ngiyal’ ni bay i par SOMOL nike pi’ keru’ ngodad? Gur, aram e ri dab ku da fel’gad u laniyan’ bayay?

Psalms 77:8

Gur, aram e ke tal ni dabki t’ufegdad? Gur, aram e ke m’ayfan e n’en ni micheg nra rin’?

Psalms 78:1

Mmotoyilgad, e girdi’ rog, ko machib rog, mi gimed tiyan’med ko n’en ni gu be yog.

Psalms 79:13

Ma aram e gamad e tirom e girdi’ e gamad e saf rom, e bay gu pininged e magaer ngom ndariy n’umngin nap’an, nge sorok i yan ngaram.

Psalms 79:5

SOMOL, ga ra par ni gab damumuw ngomad ni dariy n’umngin nap’an? Ra par e damumuw rom ni be yik’ ni bod ba nifiy ni dabital?

Psalms 80:5

Kam pi’ e kireban’ ngomad ni nggu wed, nge ba kap i lu’ nib ga’ ni nggu umumed.

Psalms 85:6

Mu gel nagmad bayay, ma aram e gamad e girdi’ rom e bay gu pininged e sorok ngom.

Psalms 95:7

I ir e Got rodad; ma gadad fapi girdi’ ni be ayuweg, ni fare ran’ i saf ni ir e be gafaliy. Mu telmed e daba’ ko thin ni be yog ni be ga’ar:

Exodus 32:11

Machane me wenig Moses ngak SOMOL ni Got rok ni ga’ar, “SOMOL, mang ni ngari gel e damumuw rom ngak e girdi’ rom, ni gur e mu lagrad u tan pa’ yu Egypt nga pa’am nib gel nge gelngim nib gel?

Isaiah 64:8

Machane gur SOMOL e chitamangimad gur. Gamad bod e but’ ni yima ngongliy e th’ib riy, me gur e ga bod e en nma ngongliy e th’ib. Kam sunumiymad,

Jeremiah 23:1

Ba gel e gechig nra tay SOMOL ngak e pi’in yad be gagiyeg, ni yad e kar li’ed e girdi’ rok ma kar wereged yad i yan.

Jeremiah 31:37

Fa’an mang e bay reb e rran nrayag ni ngan foleg lanelang, mi ni lekag e pi def u enggin e fayleng, ma aram e rofen nra n’ag e girdi’ nu Israel ni bochan urngin e tin kar rin’ed. I SOMOL e keyog e pi thin ney.

Lamentations 5:22

Fa ka mu n’agmad ni dariy n’umngin nap’an? Mog dariy folan e damumuw rom?

Ezekiel 34:31

“Gimed e saf rog, ni fare ran’ i saf ni gu ma duruw’iy, e gimed e girdi’ rog, me Gag e Got romed,” I SOMOL ni Th’abi Tolang e be non.

Ezekiel 34:8

Rogon feni riyul’ ni Gag fare Got ni gu be par ni gub fos e aram rogon feni rriyul’ ni bfel’ ni ngam motoyilgad ngog, ya saf rog e ke og e gamanman ni malboch ngorad yad be li’rad ma yad be longuyrad, ya dariy be’ ni be gafaliyrad. Ya pi tagafaliy e saf rog e dar guyed rogon ni ngar gayed e saf. Kar pired ni yad e yad be ayuweged yad, ma darir ayuweged e saf.

Luke 12:32

“Gimed e chi ulung ney e dab mu tamdaggad! Ya Chitamangimed e ba’adag ni nge pi’ e gin nsuwon ngomed.

Deuteronomy 29:20

Dabi n’ag Got fan rok e cha’ nra rin’ e biney. Ya damumuw rok SOMOL e ra daramram nib togopluw ngak, ma urungin e pi gafgow ni kan yoloy ngalan e re ke babyor ney e go’ ra aw ngak nge mada’ ko ngiyal’ ni ka ri thirif SOMOL facha’ u but’.