Psalms 72:8 - Bible Ni Thothup

⁸ Gagiyeg rok e yan u bang e day nga bang e day, me tabab ko lul’ ni Eufrates nge yan i taw nga tungun e fayleng.

Psalms 72:8 Σταυροειδείς Αναφορές

1 Kings 5:1

Hiram ni Pilung nu Tyre e i par ni yow fager David, ma fa’ani rung’ag nike yan Solomon nga luwan David ni chitamngin ke pilung, me l’oeg owchen e nam rok ngranod ra guyed.

Psalms 2:8

Mu ning ngog, mu gu pi’ urngin e nam ngom; ma re fayleng ney ni polo’ e bayi mil suwon ngom.

Psalms 80:11

Ke yan pa’pa’ngin ke mada’ ko day ni Mediterranean fithingan, ma yan nge taw ko lul’ ni Eufrates.

Psalms 89:25

Bay gu ga’nag e gin nge gagiyeg riy ni tabab ko day’ ni Mediterranean nge yan i thang ko lul’ ni Eufrates.

Psalms 89:36

Gubin ngiyal’ ni bayi par ni bay e gird’ ni owchen, ma bay ug matanagiy gil’ilungun u n’umngin nap’an ni bay e yal’ ni be mat ram’en.

Exodus 23:31

Ma bay gu tay e mathil ko Red Sea nge mada’ ko day ko pi Filistine, me yan e mathil u daken e ted ni desert nge mada’ ko lul’ nu Eufrates; ma bay gu pi’ girdi’en fare binaw nga pa’med ngam tulufedrad nga wuru’ fare binaw.

Zekariah 9:10

Be ga’ar SOMOL, “Bay gu chuweg e pi chariot ni fan ko mael u Israel, mu gu chuweg e pi os ni bay u Jerusalem; ma pi gat’ing ni yibe fanay ko mael e bay ni kirebnag. Pilung romed e bayi gagiyeg nge aw e gapas u thilin e pi nam; bayi gagiyeg u bang e day nge mada’ nga bang, me tabab ko lul’ ni Eufrates nge yan i mada’ ko yungi n’en ni mus e fayleng riy.”

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”