Psalms 72:3 - Bible Ni Thothup

³ Mang e yigi felan’ me man’og e nam; mang e yigi e nang e nam e tin ni bmat’aw.

Psalms 72:3 Σταυροειδείς Αναφορές

Psalms 65:12

Yungi ted nma kay e gamanman e pan riy e ke sug ko gamanman; ma sigre’en e pi burey e ke sug ko felfelan’.

Psalms 72:16

Mang e yigi yo’or e grain u daken e nam; mang e yigi sug daken e yochi burey ko woldug, ngi i k’uf ni bod e woldug nu Lebanon. Mang e yigi sug e pi binaw ko girdi’, ni bod e pan u daken e pi flang.

Isaiah 45:8

Bay gu pi’ e gel nge mat’aw nge map’ u lang nga but’ ni bod e n’uw; bayi mab e but’ nge fek, me yib wom’ngin ni puf rogon nge mat’aw. I Gag SOMOL e bay gu gagiyeg nge yodoro’.”

Isaiah 52:7

Rib falan’uy ni ngan guy ba tamal’og ni be yib u daken e pi burey i yib, nike fek e thin ni bfel’ i yib, ni murung’agen e gapas! Nge yib i yog nib ga’ laman ni kan gel me ga’ar ngak Zion, “Got rom e ir e pilung!”

Isaiah 60:17

“Bay gu fek e gol i yib ngom ma gathi bronze, Ma silber nge bronze e nge yan luwan e wasey nge rean, Bay gu pi’ e wasey ngom ma gathi malang. Pi pilung rom e dab ku ra gafgow niged gur; Bay gu teg ngorad ngu’ur gagiyeggad u fithik’ e yal’uw nge gapas.

Daniel 9:24

“Medlip yay e medlip i ragag e duw n’umngin nap’an nike duwgiliy Got ni nge taw ngay me tal e girdi’ ko nam rom nge girdi’ ko fare binaw rom nib thothup ndab kur rin’ed e kireb ma dab kur ngongliyed e denen. Me n’ag Got fan e denen me pi’ e tin nib yal’uw ni bayi par ni dariy n’umngin nap’an, ya tin mu guy ko fa ngiyal’ nni piliyeg e changar rom nge fare yi’iy e nge yib i m’ug nib riyul’ min pi’ fare Tempel nib thothup nga pa’ SOMOL.

Joel 3:18

Yungi milay’ ni grapes e bayi peth u daken e pi burey e re ngiyal’ i n’em; ma gubin yang e flang ni bay ni pir’eg e garbaw riy; ma re ngiyal’ i n’em e bay e ran ni pire’ nra gaman yu Judah riy ni polo’. Ra yib ba lul’ u Tempel rok SOMOL, nge taren nag e Loway ni Akacia.