Psalms 72:18 - Bible Ni Thothup

¹⁸ Ke sorok SOMOL, ni Got nu Israel! I go’ ir e ma ngongliy e pi maang’ang ney.

Psalms 72:18 Σταυροειδείς Αναφορές

1 Kronicles 29:10

U rom u p’eowchen fare ulung ni ga’ngin me pining David ni Pilung e sorok ngak SOMOL. I ga’ar, “SOMOL ni Got rok e chitamngimad i Jakob, ngu’un pining e sorok ngom ni manechibog ko pichibod!

1 Kronicles 29:20

Ma aram me yog David ngak fapi girdi’ ni ga’ar, “Ngu’um pininged e sorok ngak SOMOL ni Got romed!” Ma fa ulung i girdi’ ni gubin e ra pininged e sorok ngak SOMOL, ni Got rok e pi chitamngirad, miyad siro ni yad be liyor ngak SOMOL nge fare pilung.

BABYOR NI JOB 5:9

Dabiyag ni ngad nanged fan e pi gagiyeg rok, nge pi maang’ang ni yug be ngongliy ni der tal.

BABYOR NI JOB 9:10

Dabiyag ni ngad nanged fan e pin’en nib thum’ ngaru’ nma rin’, nge pi maang’ang rok ni dabi mus.

Psalms 106:48

Ke sorok SOMOL, ni Got nu Israel; ngad pininged e sorok ngak e chiney i yan ndariy n’umngin nap’an! Nge gubin e girdi’ ma nge lungurad, “Amen!” Ngan pining e sorok ngak SOMOL!

Psalms 136:4

Ri ma’agrag Ir e ma ngongliy e tin th’abi ga’ e maang’ang; t’ufeg rok e ba manemus.

Psalms 41:13

Ngan pining e sorok ngak SOMOL, ni fare Got rok yu Israel! Ngan pining e sorok ngak e chiney i yan ngaram ndariy n’umngin nap’an! Amen! Amen!

Psalms 68:35

Ri ra ngat’ ngak Got nike yib u tagil’ nib thothup — fare Got rok yu Israel! Ma pi’ gelngin ngak e girdi’ rok. Ke sorok Got!

Psalms 77:14

Gur e Got ni ga ma ngongliy e maang’ang; kam dag gelngim u fithik’ e pi nam.

Psalms 77:15

Gelngim nib gel e mu ayweg e girdi’ rom ngay, ni pi’in owchen Jakob nge Josef.

Psalms 86:10

Ya gur e rib gel gelngim ma ga ma ngongliy e maang’ang; kemus ni go’ gur e Got.

Psalms 98:1

Nga nin’ ba tang nib be’ech ngak SOMOL; ya tin ke rin’ e rib th’abi fel’! Ba’ ni mat’aw i pa nge pa’ nib thothup e ke gelnag.

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?