Psalms 71:7 - Bible Ni Thothup

⁷ Yafos rog e ke mang ba machib ko yo’or, bochan ni gur e rungrung ngog nib gel.

Psalms 71:7 Σταυροειδείς Αναφορές

Psalms 61:3

ya gur e manaf rog, ma yoror rog nib gel ngak e pi to’ogor rog.

Psalms 62:7

I Got e ir e ke ayuwegneg ma ke gagiyegnag kan tayfag; Ir fare yoror rog nib gel; ma ir e manaf rog.

Psalms 62:8

Gimed pi girdi’eg, nge pagan’med ngak Got ni gubin ngiyal’. Mu weliyed ngak urngin e magfan’ romed, ya ir e manaf rodad.

Psalms 62:9

Girdi’ ni gubin e yad bod ba wuchuth i nifeng pi tolang nge pi sobut’ e ta’reb feni dariy rogorad ngabang. Yira thabthabel nagrad, ma dariy malngirad; yad bba’ud nga ba wuchuth i nifeng.

Isaiah 8:18

Gu ba’aray nge pi bitir ni SOMOL e ke pi’ ngog. I SOMOL ni Gubin ma Rayag Rok ni bay tagil’ ko Burey ni Zion e ke l’oegmad ni nggu manged tamal’og rok nib fos ngak e girdi’ nu Israel.

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Zekariah 3:6

Me yog fare engel rok SOMOL ngak Joshua ni

Zekariah 3:8

I gur Joshua ni fare Prist ni Th’abi Ga’, e ngam motoyil; ma gimed e prist ni pi chonggin e ngam motoyilgad, ni aram e gimed e pow ko tin nib manigil nga m’on: Bay gu gagyel nag fare tapigpig rog, ni yima pining fithingan ni Fare Pa’ngin!

Luke 2:34

Me yibiliyrow Simeon ngak Got me ga’ar ngak Maria, ni chitiningin fachi tir, “Re tir ney e Got e ke duwgiliy ni ir e bo’or e girdi’ nu Israel ni nge mul ni bochan, ma bo’or e nge thap ngak Got; me ir e bayi mang ba pow ni yib rok Got ni bo’or e girdi’ ni bayi non nib togopluw ngay,

Acts 4:13

Me gin girdi’en e re ulung nem ngak Peter nge John ngarogon ndarir rusgow, ma ku ra gin gad ngorow ya ra pir’eged ni yow l’agruw ndariy e sukul rorow. Miyad nang ni yow l’agruw ni’ ni ur unew i yan ngak Jesus.

1 Korinth 4:9

Gu ma finey ni Got e ke ta’mad e pi apostel nga th’abi tomur, ni bod e girdi’ ni kan turguy e gechig rorad ni ngarm’ad u p’eowchen e girdi’ ni yo’or, ni ngar manged tayengeg rok urngin e engel nge girdi’.