Psalms 71:23 - Bible Ni Thothup

²³ Bay gu tolulnag e felfelan’ ko ngiyal ni gu be musik nigem; bay gu tang u polo i lanin’ug ni bochan e ka mu ayuweg e pogofan rog!

Psalms 71:23 Σταυροειδείς Αναφορές

Genesis 48:16

Ma fare engel ni chuwegeg u fithik’ urngin e riya’ e ngi i fal’eg wa’athrow. Fithingag nge fithingan e gal chitamag i Abraham nge Isak e ngi i par u dakenrow. Nge yo’or pifak row ngar manged baraba’ i girdi’ ni pire’.”

2 Samuel 4:9

Me fulweg David ni ga’ar, “Kug micheg u fithingan SOMOL ni bepar nib fos nike ayuwegneg u fithik’ urngin e riya’!

Psalms 103:4

i talegeg ni dab gu wan ngalan e low ko yam’, ma ke tow’ath nigeg ko t’ufeg nge runguy.

Psalms 104:33

Bay ug tangnag SOMOL u n’umngin nap’an e yafos rog; n’umngin e yafos rog ni bay u gu tangnag e sorok ngak e Got rog.

Psalms 34:22

I SOMOL e ra ayuweg e pogofan rok e pi tapigpig rok; ma dabi gechignag e pi’in yad ra yan ngak ni ngar nafgad nga tan pa’.

Psalms 63:5

Lanin’ug e bayi mur, me par nike manigil, bay gu tang nigem u fithik’ e felfelan’ ni gu be pining e sorok ngom.

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.