Psalms 71:20 - Bible Ni Thothup

²⁰ Gur e kam l’oeg e oloboch nge gafgow ke yib ngog, machane bay mu fulweg gelngig ngog; bay mu teg u orel ko low ko yam’.

Psalms 71:20 Σταυροειδείς Αναφορές

2 Samuel 12:11

Gu be micheg ngom ni bay gu gagiyegnag be’ u lan e tabinaw rom nge girengiy e gafgow nga dakenam. Bay mu guy ko ngiyal’ ni ba’aram ni bay gu fek pi le’engim rom nggu pi’rad ngak yugu reb e pumo’on; ma bay i molegrad ni rran.

Psalms 119:25

Ku gu aw nga fithik’ e ab ni ku gu waer; mu fasegneg, ni bod ni kam micheg.

Psalms 138:7

Nap’an nra ingeg e oloboch, ma ga yoror rog. Ga ma gad pa’am ngak e pi to’ogor rog ni kar damumuwgad mag ayuwegneg rorad nga ngelngim.

Psalms 16:10

ya ga be yororiyeg u gelingin e yam’, gu ma pigpig ngom u fithik’ e yul’yul’, ma dab mu pageg nggu waen ko fayleng ko yam’.

Psalms 60:3

Ka mu pag e girdi’ rom yad be gafgow nib gel; gamad be thigthig i yan ni gowa gamad ba ching.

Psalms 60:5

Mu aywegmad nga gelngim; mu fulweg taban e meybil romad, ya nge dabi buch ban’en rok e pi’in yad ba t’uf rom.

Psalms 80:18

Ma aram e dab kug pi’ed keru’mad ngom bayay; mu taymad ni gamad bfos, ma gamad pining e sorok ngom.

Psalms 85:6

Mu gel nagmad bayay, ma aram e gamad e girdi’ rom e bay gu pininged e sorok ngom.

Psalms 86:13

Rib ga’ e t’ufeg rom ngog ni fare t’ufeg ni dabimus! Kam ayuwegneg u pa’ e yam’.

Psalms 95:4

Ir e be gagiyegnag e fayleng ni polo’, ni mus ngalan e tin th’abi toar e yiy nge mada’ ko tin th’abi tolang e burey.

Isaiah 26:19

Girdi’ rodad ni karm’ad e yad ra fos bayay! Dowef rorad e ku ra sul e yafos ngay. Urngin e pi’in yad bmol u lan e low rorad e bay ra odgad miyad tangnag e felfelan’. Bod nma gal ra’en e wa’angchol ko garbeb nge kak’lingnag e fayleng, aram rogon SOMOL ni bayi faseg e pi’in karm’ad kakrom.

Isaiah 38:17

Buchbuchan’ rog e bayi pilyeg nge ngal’ ni gapas. Gur e ka mu ayweg e pogofan rog u fithik’ gubin e riya’; kamn’ag machan gubin e denen rog u wun’um.

Jonah 2:6

Gu wan nga’ar nggu mada’ nga enggin fapi burey; ngalan fa re binaw ni yug ma par e garog riy nib man’ ndariy n’umngin nap’an; machane gur SOMOL ni Got rog e kam fulwegneg u ar nda gum’!

Mark 15:34

Ma nap’an ni dalip e kolok me non Jesus nri ba ga’ laman ni be ga’ar, “Eloi, Eloi, lema sabachthani?” ni fan e pi thin ney e be ga’ar, “Got rog, Got rog, mangfan ni kam n’igeg?”

Acts 2:24

Machane me faseg Got ko yam’ nge chuweg u fithik’ gelngin e yam’, ya dariy e n’en nra rin’ me yag rok e yam’ ni nge kalbusnag.

Efesus 4:9

Re bugithin ney “nike yan ngalang” e mangfan? Fan e re bugithin ney e som’on e yan nga’ar — ni aram e yan ko gin nth’abi to’ar u fithik’ e fayleng.

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.

1 Samuel 2:6

I SOMOL e ma thang e pogofan me ir e ma fulweg e pogofan; ma pi’ e girdi’ ngranod ko fare fayleng ni bay e pi’in karm’ad riy, me Ir e ku ma sulwegrad bayay.