Psalms 71:14 - Bible Ni Thothup

¹⁴ Bay gu tay e pagan’ rog ngom ni gubin ngiyal’; bayi yo’or yay ni ngu’ug pining e sorok ngom.

Psalms 71:14 Σταυροειδείς Αναφορές

BABYOR NI JOB 13:15

Ke mulan’ug ko gubin, are fa’anra thang Got e fan rog ma ridi’in? Nggu wan gu weliy lanin’ug ngak.

Psalms 130:7

Israel, mu pagan’um ngak SOMOL, ni bochan e t’ufeg rok e dabimus, gubin ngiyal’ ni yugu be par ni ba’adag ni nge mat’aw nigem ngak.

Psalms 43:5

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 71:6

Kug gif ngom u n’umngin e yafos rog; ka nap’an e nni gargelegeg ni gur e um yoror rog. Bay gu pining e sorok ngom ni gubin ngiyal’.

Lamentations 3:21

I sul e l’angan’ ngog nap’an ni gu leamnag e ren’en ni ba’aray:

Lamentations 3:24

I SOMOL e kemus ni ir e urngin ban’en ngog, are ir e kug tay e pagan’ rog nga daken.

Lamentations 3:25

I SOMOL e ba gol ko pi’in ni karted e pagan’ rorad nga daken,

Lamentations 3:26

Ere rib fel’ ngodad ni ngu’ud son gad u fithik’ e gumaen’, ni ngad son niged ni nge mat’aw nagdad ngak.

Filippi 1:9

Ere ba’aray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yag ni ngam nanged e tin nib mat’aw ko tin nde mat’aw,

1 Thessalonika 4:10

Ma ireray rogon e ngongol ni kam rin’ed ngak urngin e pi’in girdi’en Kristus ni walagmed u lan yu Macedonia ni ga’ngin. Ere gamad be wenig ngomed, pi walagmad ni girdi’en Kristus ni ngu’um athamgilgad boch.

Hebrews 10:35

Ere dabi mulan’med ngu’um pired nib pagan’med, ya bay wenegan ni ba ga’ nra yib ngomed.

1 Peter 1:13

Mu fal’eged rogon lanin’med ni ngam ngongolgad. Mi gimed tiyan’med ngari l’agan’med ko tow’ath ni yira pi’ ngomed ko ngiyal’ nra yib i m’ug Jesus Kristus.

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.

1 John 3:3

Gubin e girdi’ nike l’agan’rad ngak Kristus ni aray rogon e ra bagayad ma be tay ir nib machalbog, ni bod rogon feni machalbog Kristus.