Psalms 7:9 - Bible Ni Thothup

⁹ Gur e ga ba Got ko mat’aw, ma ga ma pufthinnag lanin’mad nge ar ar romad. Mu taleg e pi’in kireb ko ngongol nib kireb ma ga tow’athnag e pi’in ni bfel’.

Psalms 7:9 Σταυροειδείς Αναφορές

Genesis 20:5

Ya ku Abraham ma keyog ni re pin ney e walagen ma ku arrogon ni be yog e re pin ney ni yow walag. Tin kug rin’ e ba tamilang u wun’ug, ni dariy ban’en ni kug rin’ nib kireb.”

1 Kings 8:32

me gur SOMOL e ngam telim u tharmiy ngam pithig e oloboch rok e pi tapigpig rom. Mu gechignag e en nib kireb nrogon nib m’ag ni nge aw ngak, ma gog nde kireb e en ni bfel’ e rok.

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

Psalms 10:15

Mu kirebnag gelngin e pi’in kireb nge pi’in nib kireb e leam rorad; mu gechig nagrad ko kireb ni karrin’ed, nge taw ko ngiyal’ ni ka ra talgad i rin’.

Psalms 10:18

Bay mu rung’ag e meyor rok e pi’in yi be gafgow nagrad nge pi’in kanim’ rorad; bay mu duwgiliy ni yad bfel’, ya nge tal e girdi’ ni dab kur k’arnged e marus ngorad.

Psalms 11:5

Ma fal’eg i yaliy e fel’ nge kireb ni ta’reb rogon; ma pi’in der fol ko motochiyel e ma fananikayrad u polo i gumircha’en.

Psalms 139:1

SOMOL, ga be guy lanin’ug, ma ga manangeg.

Psalms 17:3

Ga manang lanin’ug. Kamub ngog nnep’; ka mu sikeng nigeg ni polo’ ma dam pir’eg ba ar ar ni kireb u fithik’ag. Da gur ma yog ban’en nib kireb,

Psalms 18:21

Gu ma fol ko motochiyel rok SOMOL; dawor gu pi’ keru’ug ko Got rog.

Psalms 26:2

SOMOL, mu fal’eg i yaliyeg mag sikeng nigeg; mu pufthinnag e pi ar ar rog nge pi leam rog.

Psalms 35:23

A Somol, mu wuchag u but’ ngam ayuwegneg; Got rog, mu sak’iy ngalang ngamog ni bfel’ e rog.

Psalms 37:23

I SOMOL e ma pow’iy be’ ngi i yan ko kanawo’ ni nge yan riy, ma be yororiy e en ni bfel’ u wan’.

Psalms 40:2

Me girngiyeg ngalang nggu chuw u lan ba low u thathren e riya’, nib low u fithik’ e rungdu’! Nge teg nga daken ba war nggu par ndabki buch ban’en rog.

Psalms 43:1

Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

Psalms 44:21

ma rib mich ni gamnang, Ya gamnang e tin bay u lanin’mad nib mith.

Psalms 58:6

A Got, mu tet’ar nguwolen e pi layon ni tak’ad,

Psalms 9:9

SOMOL e manaf rok e pi’in yibe gafgow nagrad, ni aram gil’ e ayuw ko ngal’an e gafgow.

Psalms 96:10

Mogned ngak urngin e nam ni nge lungumed, “I SOMOL e ir e pilung! Fayleng e kan tay nga tagil’ ndabiyag ni ngan mithmitheg; rib yal’uw rogon ni bayi pufthinnag e girdi’.”

Psalms 96:13

nap’an ni bayi yib SOMOL ni nge gagiyegnag e fayleng. Bayi gagiyegnag girdi’en e fayleng nib mat’aw rogon, ma dabi laniyan’.

Psalms 98:9

ni bochan e yib ni nge gagiyegnag e fayleng. Ir e nge gagiyegnag e girdi’ u fayleng nib mat’aw ma ba yal’uw.

Jeremiah 11:20

Ma aram mu gu meybil ni lungug, “SOMOL ni Gubin ma Rayag Rok, I gur ba tapufthin nib mat’aw; ga ma sikengnag gumircha’en nge lanyan’ e girdi’. Kug tay e oloboch rog ngalan pa’am; ere mu pageg nggu yaliyem ni ngam felbayen e pi girdi’ ney.”

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

Jeremiah 20:12

Machane gur fare SOMOL ni Gubin ma Rayag Rok e mmat’aw e sikeng ni ga ma pi’ ngak e girdi’; ya ga manang e tin bay u lanin’rad. Ere mu gagiyeg ngug guy ni ka mu falbiy ko pi to’ogor rog, ya tin yibe rin’ ngog e kug pag fan nga pa’am.

Daniel 11:45

Ma bayi n’uf fapi tent rok ni ba ga’ ni tafen nga bangi n’en ni bay u thilin e day nge fare burey ni bay e Tempel riy. Ma bayi yim’ ndariy be’ u charen ni nge ayuweg.”

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

Roma 16:25

Ngad pininged e sorok ngak Got! Ya ir e rayag rok ni nge taymed ni gimed bmuduwgil u fithik’ e michan’ romed ngak, ni bod rogon ni be yog e fare Thin Ni Bfel’ ni gu be machibnag, ni murung’agen Jesus Kristus, ma bod rogon nike dag e tin nib riyul’ ni i par nib mith nike kakrom i kakrom.

1 Thessalonika 3:13

Fa’anra um pired ni aray rogomed mra pi’ Got gelingmed, ngam machalboggad mi gimed thothup u p’eowchen e Got rodad nge Chitamngidad ko ngiyal’ nra sul e Somol rodad i Jesus riy nike un urngin e girdi’ rok ngak.

1 Peter 5:10

Ya bay mu gafgowgad ni dabi n’uw nap’an mi Got ni ir e ke pi’ urngin ban’en ngodad, ni ir e ke piningmed ni ngam ta’ab girdi’gad Jesus Kristus ma ngam uned ko fla’ab rok ndariy n’umngin nap’an, e ir e bayi yal’uwegmed, me ta’med ni gimed bmuduwgil, me gel nagmed me ta’med nga daken e def nib muduwgil.

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus:

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.

1 Samuel 16:7

Machane me ga’ar SOMOL ngak, “Dabi mit owchem nga n’umngin nge feni pichoay. Gathi ir e cha’ ni kug mel’eg, gag e dagur ma turguy ban’en nrogon nma turguy e girdi’ ban’en. Girdi’ e yad ma guy be’ u wuru’ i downgin, mi Gag e gu ma changar ko gum’ircha’.”

1 Samuel 2:9

“Girdi’ rok ni yad ba yul’yul’ ngak e ma ayuweg e pogofan rorad, ma pi’in kireb e yad ma m’ay ngabang u fithik’ e lumor; ya dabiyag ni nge gel be’ ko mael u gelngin.