Psalms 7:5 - Bible Ni Thothup

⁵ me’ere mu pag e pi to’ogor rog ngar tulufed gag ngar koled gag, mu pagrad ngar th’ebed gag nga but’ ngum’ ngan digeyeg u but’ ni dakriy e pogofan rog!

Psalms 7:5 Σταυροειδείς Αναφορές

BABYOR NI JOB 16:15

Gu be mowaw ni ku gun’ e mad nni ngongliy ko tutuw, ni ku gu par u roy u fithik’ e ab ni ku gu waer.

Psalms 3:2

Yad be yogneg ni yad be ga’ar, “Dabi ayuweg Got e cha’nem.”

Psalms 44:5

u gelngim e gu gelgad riy ko pi to’ogor romad.

Psalms 49:12

Feni sorodad e dabiyag ni nge talegdad ko yam’; ya ri bay dm’ad ni bod e gamanman.

Psalms 60:12

Ra bay Got u ba’ rodad ma gadad ra gel; ir e bayi gel ngak e pi to’ogor rodad.

Isaiah 10:6

Gu l’oeg yu Assyria ni ngar maelgad ngak e nam ndarir liyorgad ngak Got, ni girdi’ ni yad ma k’aring e damumuw ngog. Gu l’oegrad ni ngar feked u yargel e chugom miyad mororo’ miyad yotyot e girdi’ nga but’ ni bod rogon e rungdu’ u lan e kanawo’.”

Isaiah 63:3

Me fulweg SOMOL ni ga’ar, “U gotgot e pi nam ni bod ni yima rin’ ko grape, ma dariy be’ ni yib ni nge ayuwegneg. U gotgot’rad u fithik’ e damumuw rog, ma racha’ rorad e ke wear nga daken e mad rog ni ga’ngin.

Jeremiah 17:13

SOMOL, I gur e lagan’ rok yu Israel; urngin e pi’in yad ra n’igem e yad ra tamra’. Yad ra m’ay nga bang ni bod fithngey nni yoloy nga daken e fiyath, ni bochan e ka ra furyed gur, ni gur SOMOL, ni fare alublub nib machalbog.

Habakkuk 3:13

Ma ga yan ni ngam ayuweg e girdi’ rom u pa’ e to’ogor, ni ngam ayuweg fare pilung ni gur e mmel’eg. Kam li’ e en ni be yog e thin rok e girdi’ ni kireb, ma kam thang owchen e tirok e girdi’.

Zekariah 10:5

Piyu Judah e bay ur gelgad ni bod e pi salthaw ni yad ma yotyot e pi to’ogor rorad u fithik’ e rungdu’ u lan e yupa’ i kanawo’. Bay ra chamgad ni bochan SOMOL ni bay rorad, bay ur gelgad ni mus ngak fa raba’ i salthaw ni yad ba falu’ ni girdi’en e yan u os ma yad ra gel ngorad.

Malaki 4:3

Bay mu gelgad ngak e pi’in nib kireb, ma bay ra boded e fiyath u tan e rifrif u aymed ko rofen ni ba’aram ni bay gu maruwel.

1 Samuel 24:11

Chitamag, mu sap ngabang e mad rom ni ba’aray u pa’ag! Gu th’ab nggu fek machane da gu li’em nga mum’. Re gi mad ney e susun e nge micheg nga lanin’um ndagur finey ni nggu togopluw ngom fa gu thang e fan rom’, yugu aray rogon ni ga be gayeg ni ngam thang e pogofan rog, ndariy ban’en nib kireb ni kug rin’ ngom.

1 Samuel 24:18

Daba’ e kamdag ngog rogon feni fel’ e tin ga be rin’ ngog, ya yugu aram rogon ni pi’eg SOMOL nga pa’am ma da mu thang e fan rog.

1 Samuel 24:20

Chiney e kari gu nang ni bay mmang pilung nu Israel, ma bayi par e re lungun nem rom nge mang gur e mu gagiyegnag.