Psalms 69:26 - Bible Ni Thothup

²⁶ Yad be gafgownag e pi’in kam gechignag; yad be weliy murung’agen e gafgow ni be tay e pi’in kam maad’ad ngorad.

Psalms 69:26 Σταυροειδείς Αναφορές

2 Kronicles 28:9

Be’ nib mo’on ni Oded fithingan ni reb e profet rok SOMOL e i par u lan fare binaw nu Samaria. Me mada’nag fa raba’ i salthaw nu Israel nike chugur ni ngar taw gad ngalan binaw u Samaria ni ka ra feked boch piyu Judah ni kalbus, me ga’ar ngak fa raba’ i salthaw, “I SOMOL ni Got rok e pi chitamngimed e ke damumuw ngak yu Judah me pagmed ngam gelgad ngorad, machane mirin ni ka mu li’ed rad e ke rung’ag nga tharmiy e chiney.

BABYOR NI JOB 30:13

Kara thabey niged gag, yad be guy rogon ni ngar thanged gag; ma dariy be’ nra talegrad.

Psalms 109:16

Ya re mo’on nem e da i yib ngan’ ni nge gol’; I gafgownag ma be thang e pogofan rok e pi’in gafgow, nge pi’in bt’uf e ayuw rorad, nge pi’in ni dabyag ni ngar ayuwegedyad.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Isaiah 53:4

“Machane me athamgiliy fare gafgow ni susun e gadad e nge aw ngodad, nge amith ni susun e gadad e ngad pired nga fithik’. Ma gadad be leamnag ni gafgow nike yib ngak e ba gechig ni Got e ke pi’ ngak.

Zekariah 1:15

ma kar gu damumuw ngak e pi nam ni kar felan’gad u fithik’ e mocha’ nge gapas. De n’uw nap’an nug kadan’ug ko girdi’ rog, ma fapi nam e ra gel niged e gafgow ngak e girdi’ rog nge pag rogon.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

1 Thessalonika 2:15

ni ireram e picha’ nra li’ed Somol Jesus nge pi profet, miyad gafgow nagmad. Dar fel’gad u wan’ Got! Ma yad be togopluw ngak urngin e girdi’!