Psalms 69:12 - Bible Ni Thothup

¹² Yad be weliy murung’ageg u kanawo’ i yan, ma pi tamu’un rrum e yad be tunguy e tang ni murung’ageg.

Psalms 69:12 Σταυροειδείς Αναφορές

Genesis 19:1

Fa’ani yib fa gali engel ngalan e binaw nu Sodom nike blayal’, ma bay Lot nike par nga but’ u to’oben e garog ko fare binaw, ko gin ni tagil’ e mu’ulung rok e girdi’. Ma fa’ani guy row Lot, me sak’iy nge yan ngorow. Me yan i ragbug u p’eowcherow nike yan i yip’ owchen nga but’,

Psalms 35:13

Machane, gag e nap’an ni yad bm’ar, mu gu chuw nga madan e kirban’; mu gu pag e abich; Mu gu meybil ni kugup’ owcheg nga but’,

Jeremiah 20:7

SOMOL, ka mu ban nigeg ku gu aw ko ban. Gur e ga ba gel ngog, are ka rim gel ngog. Urngin e girdi’ ni yad be moning nigeg; polo’ e rran ni yad be minmin ngog.

Daniel 5:23

Kam ngongol nib togopluw ngak Somol nu tharmiy, ya kam fek i yib nga tebel rom fapi kap nge fa yochi dabiy nib gol u Tempel rok. Me gur, nge pi tolang ni bay nga tan pa’am, nge pi leengim, nge pi ppin rom e mu unumed e wayin riy mu um pininged e sorok ngak e pi liyos ni got romed nni ngongliy ko gol, nge silber, nge wasey ni bronze, nge yug wasey, nge ren, nge malang, ni bogi got ndarir guyed ban’en ma darir rung’aged ban’en ma dariy ban’en ni yad manang. Ma da mu tay fan fare Got ni ir e bay e pogofan rom u pa’ nge gin ngam sor ngay.

Matthew 27:20

Me towasor e pi tolang ko prist nge pi’in pi’ilal ngak fapi girdi’ ni aram urngirad ni ngar weniggad ngak Pilate nge mang Barabbas e pag me mang Jesus e nli’ ngem’.

Luke 23:2

ni aram e gin nra tababgad i togopluwnag e thin ngak ni be lungurad, “Kug pir’eged e re mo’on ney ni be yog e tin ni gathi ir ngak e girdi’ romad, be yog ngorad ni dab ra pi’ed e tax ngak e Emperor nu Roma ma be yog ni ir Kristus, ni ir ba pilung.”

Deuteronomy 16:18

“Mmel’eged boch e girdi’ ngar manged pi tapuf oloboch nge boch ni nge mang tolang u gubin e binaw nike pi’ SOMOL ni Got romed ngomed. Pi pumo’on ney e ngu’ur pithiged e yu pa’ i oloboch u puluwon e girdi’ ni rogon nib mat’aw.