Psalms 68:8 - Bible Ni Thothup

⁸ me rur e fayleng, me map e n’uw u lang nga but’, ni bochan e wub rok Got nu Sinai, ni aram e wub ko fare Got nu Israel.

Psalms 68:8 Σταυροειδείς Αναφορές

Psalms 114:7

Fayleng mu durru’ ko wub ni ke tay Somol, u p’eowchen fare Got rok Jakob,

Psalms 41:13

Ngan pining e sorok ngak SOMOL, ni fare Got rok yu Israel! Ngan pining e sorok ngak e chiney i yan ngaram ndariy n’umngin nap’an! Amen! Amen!

Psalms 68:35

Ri ra ngat’ ngak Got nike yib u tagil’ nib thothup — fare Got rok yu Israel! Ma pi’ gelngin ngak e girdi’ rok. Ke sorok Got!

Psalms 77:18

Lingan e dirra’ rom e malay nga but’, ma ram’en e uluch ni be matmat e gal’ e fayleng; me t’on nge rur e fayleng.

Exodus 13:18

Ma aram me fekrad ngar liyeggad u daken e ted ni desert i yan ko fa gi day ni Red Sea fithingan. Yu Israel e bay talin e cham rorad ni fan ko mael.

Exodus 19:16

Me kadbul ko rofen ni man e dalip ngay mi i chub e dirra’ ma be mat e uluch u daken e re burey nem, ma ke m’ag bangi manileng nib dib’ag daken, ma be yan laman ba yabul ni yibe thoy ni ba ga’ laman. Ma urngin e girdi’ ni yad bay u rom e ur t’on gad ko marus.

Exodus 19:18

Ma fare Burey ni Sinai e ke ing e ath ni polo’, ni bochan e ke yib SOMOL u lang nga but’ nga daken u fithik’ e daramram. Me yan e ath riy ngalang ni bod e ath u ba tafen e nifiy, me rur fare burey nib almarin.

Isaiah 45:3

Bay gu pi’ ngom e pin’en ni bfel’ nib mith u senggil ndariy e tamilang riy; ma aram e bay mu nang ni Gag e SOMOL, mi Gag fare Got nu Israel e ku gu mel’egem.

Isaiah 64:1

Mang ndab mu bing lanelang nga mub nga but’ me guyem e pi burey ngar t’on gad ko marus?

Isaiah 64:3

Immoy bangiyal’ ni gu gin gad ngay ni kamub mu rin bogi n’en nrib k’ar marus; me guyem e pi burey mra durru’gad ko digow.

Habakkuk 3:13

Ma ga yan ni ngam ayuweg e girdi’ rom u pa’ e to’ogor, ni ngam ayuweg fare pilung ni gur e mmel’eg. Kam li’ e en ni be yog e thin rok e girdi’ ni kireb, ma kam thang owchen e tirok e girdi’.

Hebrews 12:26

Laman e rurug e fayleng e ngiyal’nem, machane chiney e ke yog ni ga’ar, “Bay ku gu rurug bayay e fayleng nib mu’un e tharmiy ngay.”

Revelation 11:19

Me mab e Tempel rok Got u tharmiy, ma fare Kahol ko M’ag rok Got e ni guy u lan e Tempel rok. Me matmat e uluch, me yan lingan bogi n’en, ma be chub e dirra’, me yib ba durru’, me mul e ayis ni gagang’ yang u lang nga but’ ni bod e n’uw.

Judges 4:14

Me ga’ar Deborah ngak Barak, “Mman! Ya daba’ e ke gagiyegnag SOMOL ni ngam gel ngak Sisera ko mael. Ya SOMOL e be pow’iyem!” Me yan Barak u daken e burey ni Tabor nga p’ening ni yad fa 10,000 i pumo’on ni salthaw rok.