Psalms 68:6 - Bible Ni Thothup

⁶ Ma pi’ e tabnaw ko pi’in dakuriy be’ rorad, ma chuweg e girdi’ u kalbus miyad felan’ ni ka ni pagrad, ma pi tatogopluw e bay ra pired u lan bbinaw ni kann’ag.

Psalms 68:6 Σταυροειδείς Αναφορές

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Psalms 107:10

I par boch i yad u fithik’ e lumor u kalbus, ya kar pired ni yad e kalbus ni ka nin’ e chen ngorad yad be gafgow,

Psalms 107:14

Ke chuwegrad u fithik’ e lumor u kalbus, me th’ab e chen ni ka ni m’ag ngorad.

Psalms 107:34

I pingeg e but’ nib yong’ol nge buday ni daki fel’, ni bochan e kireb ni i ngongliy e pi’in i par u rom.

Psalms 113:9

I tolangnag be’ ni bpin ni dariy fak u lan e tabnaw rok, me felfelan’nag fare pin ko bitir ni pi’ ngak. Ke sorok SOMOL!

Psalms 146:7

mma turguy e tin bmat’aw ni fan ngak e pi’in yibe gafgow nagrad mma pi’ e ggan ngak e pi’in karm’ad ko bilig. I SOMOL e ir e pag e pi kalbus

Psalms 69:33

SOMOL e ma motoyil ngak e pi’in kar gafgowgad, ma der ma pag talin e tirok e girdi’ ni bay u kalbus.

Proverbs 23:11

Ya SOMOL nib gel e ir e ta’ayuw rorad u tafen e puf oloboch, ni ra togopluw ngom.

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Hosea 2:3

Ma fa’anra dabi tal, ma bay gu chuweg e mad u daken nge yan i par ni bod e rofen nni gargeleg ndariy e mad u daken. Bay gu gagiyegnag nge yan i par ni bod bbinaw ndariy e ran riy ma der tugul ban’en riy, ma aram e bay yim’ nriyul’ ko balel.

Malaki 1:3

ma dabug Esau nge pi’in owchen. Kug kirebnag e binaw rok Esau ni go’ burey kug pi’ e gi binaw nem ngak e gamanman ni malboch.”

Acts 16:26

Mi yigi yib ba durru’ nrib gel, nge rurug fare kalbus nge mada’ ko def riy. Ma ka chingiyal’ nem me mab urngin e mab, me mul e chen u downgin urngin e kalbus.

Galatia 4:27

Ya be yog e babyor nib thothup ni be ga’ar: “Mu felfelan’, i gur e re pin nir ndawor mu gargelnag e bitir bi’id! Mu tolul ma ga non ni ba ga’ lamam ni kam felfelan’, ni gur e cha’ ndawor mu thamiy e amith ko gargel! Ya fare pin nn’ag e bayi yo’or e bitir rok ngak fare pin ni ka be par ko pumo’on rok.”

Deuteronomy 10:18

Ma guy ni nge par ni ngu’un ayuweg e pi’in kanim’ rorad nge pi’in keyim’ figirngirad; ma t’ufeg e milekag ni yad bay u fithik’ e girdi’ rodad mma pi’ ngorad e ggan nge mad.

1 Samuel 2:5

Pi’in ni yugu yad ma par ni yad ba fos e kranod ni yad be man maruwel ni fan ko ggan, machane pi’in ur m’ad ko bilig e kar pired ndakurir m’ad ko bilig. Fare pin nda i diyen e nga medlip e bitir nike diyennag, ma fare pin ni bo’or e bitir ni diyennag e ke par ni ta’reb ma dakuriy rok.