Psalms 68:4 - Bible Ni Thothup

⁴ Mu tang niged Got, mon’ed e tang ni gimed be pining e sorok nga fithngan; mu fal’egned e kanawo rok e en ma yan u daken e manileng, fithngan e cha’nem e SOMOL— ngan felfelan’ u p’eowchen!

Psalms 68:4 Σταυροειδείς Αναφορές

Psalms 104:3

ma kam tay e naun rom nga daken e ran u lang. Pi manileng e ke mang chariot rom, ma ga be yan u daken pon e nifeng.

Psalms 16:11

Bay mu dag ngog fare pa’ i wo’ ko yafos; i gur e kam suguyeg ko felfelan’, ya ga bay rog, ma ayuw ni ga be tay ngog e bay i pi’ e felfelan’ ngog ndariy n’umngin nap’an.

Psalms 18:10

Me changeg nib papey ni bay u daken fare gamanman ni bay pon; i milekag u daken pon e nifeng.

Psalms 5:12

SOMOL, ga ma fal’eg wa’athan e pi’in yad ma fol rom; t’ufeg rom e ma yaroriyrad ni bod e shield.

Psalms 66:2

Mu tang niged feni gilbugwan fithngan; mu pininged e sorok ngak nge mus nga rogon!

Psalms 66:4

Urngin e girdi’ nu fayleng ni yad be liyor ngom; yad be yon’ tangin e sorok ngom, yad be tangnag e sorok nga fithngam.”

Psalms 67:4

Manga yigi felan’ e pi nam ngar tang niged e felfelan’, ni bochan e mmat’aw rogon ni ga ma pufthinnag e girdi’, ma ga ma pow’iy urngin e nam.

Psalms 68:33

ko en nma yan u lanelang, fare lanelang ni kakrom. Mmotoyilgad ngak ni be tolul nrib ga’ laman.

Psalms 83:18

Mang e yugur nanged ni kemus ni gur e SOMOL, ni gur fare tagagiyeg Nib Th’abi Tolang u polo’ e fayleng.

Psalms 97:11

Tamilang e be mat’ nga daken e pi’in bmat’aw, ma be felfelan’ e pi’in ba yal’uw gumircha’rad.

Exodus 3:14

Me ga’ar Got, “I Gag e en ni Gag. Arrogon ni thingar mog ngorad: ‘Fa’anem ni yima pining ni GAG e ir e ke l’ogeg ni nggub ngomed.’

Exodus 6:3

Gu m’ug ngak Abraham, nge Isak, nge Jakob ni gag Got ni Gubin ma Rayag Rog, machen da gog fithingag ngorad nib thothup, ni Gag SOMOL.

Exodus 6:8

Bay gu fekmed ko fare nam ni gu micheg ni gu ra pi’ ngak Abraham, Isak, nge Jakob; bay gu pi’ ngomed nge milfan ngomed. I gag SOMOL.”

Proverbs 10:28

L’agan’ ko pi’in mat’aw e ra fekrad i yan ko felfelan’. Ma pi’in kireb e yad be nameg e dariy.

Isaiah 19:1

Irera’ e thin u murung’agen yu Egypt. I SOMOL e ke yib ni nge yib nga Egypt, ni be yib u daken bang i manileng nib papey. Ma fapi liyos nu Egypt e be duru’ u puluwon, ma ke mulan’ e girdi’ nu Egypt.

Isaiah 40:3

Ba lam ni be non ni ba ga’ gaman e be ga’ar, “Mon’ed bpa’ i kanawo’ u daken e ted ni fan ngak SOMOL! Mu tamilang niged e wo’ u daken e ted ni fan ngak e Got rodad!

Isaiah 62:10

Gimed e girdi’ nu Jerusalem, marod nga wuru’ e binaw ngam ngongliyed e kanawo’ ni fan ko girdi’ romed ni be sul! Mu falfleged ba kanawo’ nib ga’; magmed chuweg e malang riy! Mi gimed tining e pow riy ngalang ya nge yag ni nge nang e pi nam.

Deuteronomy 33:26

Gimed yu Israel, ndariy reb e kan ni bod e Got romed, ma yan u lanelang ni be galgael ram’en, ma yib i kuruf e manileng nge yib i ayuwegmed.