Psalms 68:2 - Bible Ni Thothup

² Ni bod e ath nike un ko nifeng, e aram rogon nma tulufrad; ni bod rogon nma ranran e kindel u mit e nifiy, e aram rogon e pi’in kireb nra math owcharad u p’eowchen Got.

Psalms 68:2 Σταυροειδείς Αναφορές

2 Samuel 10:13

Me yan Joab nge pi salthaw rok i yan nga m’on ni ngar chamgad ngak piyu Syria, miyad mil.

2 Samuel 10:18

me tuluf piyu Israel fapi salthaw nu Syria ngar sulod. Me David nge pi salthaw rok e ra li’ed nge yim’ 700 e Syria ni girdi’en e yan u chariot nge 40,000 e pumo’on ni mayan u os, mar mad’adgad ngak Shobach, ni fare ga’ ko salthaw ni to’ogor, ni yim’ u gil’ e mael.

Psalms 22:14

Ma kem’ay gelngig, ni bod e ran ni map’ nga daken e but’. Urngin e yil ko ul ul u dowag nike thil; ma gumircha’eg e bod ba kendel nike ranran.

Psalms 37:20

Ma pi’in kireb e yad ra yim’; pi to’ogor rok SOMOL e yad ra chuw ni bod e floras u fithik’ e pan; bay rm’aygad ngabang ni bod e ath.

Psalms 76:7

Machane gur SOMOL, e go’ yibe rus ngom. Dariy be’ nrayag ni nge sak’iy u p’eowchem nnap’an ni gab damumuw.

Psalms 80:16

Pi to’ogor romad e kar paged e nifiy ngay ma kar th’abed nga but’; mu changar ngorad u fithik’ e damumuw ngam thirifrad u but’!

Psalms 97:5

Pi yochi burey e ranran ni bod e wax u p’eowchen SOMOL, u p’eowchen fare Somol ko fayleng ni polo’.

Isaiah 33:3

Ga ra cham ni pa’mad, me mil e pi nam ni bochan lingan e mael.

Isaiah 64:2

Ya yad ra t’on ni bod e ran ni be ligil u lan ban’en u mit e nifiy. Moy, ngam dag gelngim ngak e pi to’ogor rom, ma ga gagiyegnag e pi nam ngar t’on gad u p’eowchem.

Isaiah 9:18

Kireb ko girdi’ e be yik ni bod e daramram nma urfiy e pan ni bay e rachangal riy. Be mo’oruf ni bod e nifiy u lan e loway nma gabulbul e ath riy ngalang.

Jeremiah 46:15

Ke di’in fare got romed nib gel gelngin i Apis nike thay pa’? I SOMOL e ke pirdi’iy nga but’!’

Hosea 13:3

Ere pi girdi’ ney e bay ra m’aygad ngabang ni bod e garbeb ni kadbul, ma bod e wa’angchol nma m’ay ngabang nri kakadbul u reb e rran. Bay ra boded keru’ e grain nike fek e nifeng ke chuw ko gin yima chuweg keru’ e grain riy, ku bod e ath ni be chuw u tafen e ath.

Mikah 1:4

Ma bay i ranran e burey u tan e rifrif u ay ni bod e kindel u mit e nifiy; ni map’ ngalan e pi loway ni bod e ran ni be lul’ u daken e burey.

Numbers 10:35

Ma nap’an ni yira fek fare Kahol ko M’ag nni yan, me ga’ar Moses, “SOMOL, mu’un ngomad ngam wereg e pi to’ogor rom, ma ga gagiyegnag e pi’in ni fanenikarad gur ngar milgad!”