Psalms 68:12 - Bible Ni Thothup

¹² “Pilung nge salthaw rorad e ra milgad!” Ma ppin ni bay u tabnaw e ra f’oded rorad e tin ni kol ko mael;

Psalms 68:12 Σταυροειδείς Αναφορές

Exodus 14:25

I taleg e tayapyap ko chariot rorad ngi i mo’maw rogon e yan rorad, me ga’ar piyu Egypt, “Ngad milgad rok piyu Israel, ya be cham SOMOL ngodad ni pa’rad.”

Numbers 31:27

Mi gimed f’oth ni l’agruw guruy ni ta’reb rogon, nib guruy e nge yan ko salthaw ma ba guruy e nge yan ko ulung nu Israel.

Numbers 31:54

Ma aram me fek Moses nge Eleazar e gol i yan ko fare Tent, ya SOMOL e ngi i yoror ko girdi’ nu Israel.

Joshua 10:16

Fa lal i pilung ko Amorite, e ra milgad ngranod ra mithgad ngalan ba yiy u Makkedah.

Joshua 10:42

Gubin e pilung ntaferad e yu ngin’ey ni go’ gel Joshua ngorad me fekrad nge binaw rorad ni bochan e SOMOL ni Got rok yu Israel e be cham ni pa’ yu Israel.

Revelation 6:15

Ma aram e pi pilung nu fayleng, nge pi’in yad be gagiyeg nge pi tolang ko salthaw, nge pi’in ni bo’or ban’en rorad nge pi’in ni ba ga’ lungurad, nge tin ni kabay e girdi’, ni pi’in yad e sib nge pi’in ni gathi yad e sib ko girdi’ e ra mithgad ngalan e yiy nge nga tan e war u daken e burey.

Judges 5:19

Me yib e pi pilung ngar’uned ko mael u Taanak, u to’oben e lul’ u Megiddo. I un e pi pilung nu Kanaan ko mael, machane de yag nra feked e silber.

Judges 5:30

“Ka yad be pir’eg e pin’en ni ngan kol ngan f’oth, nra reb e salthaw ma reb e bpin ara l’agruw, ma er i tay e mad nib tolang puluwon ni nge fanay Sisera, nge yungi mad ni ka nip’ ni bfel’ ya’an ni ngan fanay ni fan nga belel’ugun e en ni le’engin e pilung.”

1 Samuel 30:24

Dariy be’ nrayag ni nge fel’ u wan’ e tin kamogned! Gubin e girdi’ ma yira pi’ e f’oth rorad ni ta’reb rogon: en ni par u wuryal nge matanagiy e chugom e ta’reb rogon e f’oth rok ko en ni yan ko mael.”