Psalms 68:10 - Bible Ni Thothup

¹⁰ girdi’ rom e kar fal’egned taferad u rom; fanam gol mag pi’ e tin ba t’uf rok e pi gafgow ngorad.

Psalms 68:10 Σταυροειδείς Αναφορές

1 Kings 8:36

ma ga motoyil ngorad u tharmiy ngam n’ag fan u wun’um e denen ko pilung nge girdi’ nu Israel; ma ga fil ngorad rogon ni ngu’un par ni yib mat’aw, ma ga pi’ e n’uw nge yib nga daken e nam rom, ni fa’an mpi’ ngak e tirom e girdi’ ni nge par ni taferad ni dariy n’umngin nap’an.

Psalms 65:10

ga be pu’og e n’uw nga daken e pi flang ni kan gi’ e but’ riy, ga be tarannag; ga be munguynag e but’ ko n’uw ni ga be pi’ be dammalnag e woldug.

Psalms 65:11

Ga be gagiyegnag be yib e ggan ko woldug ni pire’ ni bochan e gab gol! Gubin yang ni ga ra yan riy ma be yo’or ban’en riy!

Psalms 65:9

Ga be dag ni ga be ayuweg e but’ ko n’uw ni ga be pi’; ga be fal’eg rogon be par nib yong’ol. Ka mu suguy e pi lul’ ko ran; ga be pi’ e woldug ko but’. Irera’ rogon ni ka mu rin’:

Psalms 74:19

Dab mu n’ag e girdi’ rom nike me’waer nga pa’ e pi to’ogor rorad ni kireb; dab mu pagtalin e girdi’ rom ni yibe gafgow nagrad!

Psalms 78:20

Riyul’ ni pirdi’iy fare war nge po’ e ran riy, machane gur, rayag rok ni ngki pi’ e flowa ngodad me pi’ e ufin ngak e girdi’ rok?”

Isaiah 40:29

Ma pi’ gelngin e pi’in ndakuriy gelngirad ma ka ra magaergad.

Numbers 16:3

Ra mo’olunggad nga p’eowchen Moses nge Aron me lungurad ngorow, “Kaygi pagrogon e n’en ni kam rin’ew! Gubin e girdi’ nu Israel nib mil farad ngak SOMOL, ma bay SOMOL rodad ni gadad gubin. Moses, ere mangfan ni kam tolang nigem ngalang rok ga’ngin yu Israel ni girdi’en SOMOL?”

Matthew 11:5

pi’in malmit e keyag ni ngar guyed ban’en, ma pi’in mugutgut e ke yag ni ngar uned ko yan, ma pi’in ndaraw e ka ra be’echgad, ma pi’in baling e kar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ngak e pi’in gafgow.

Luke 1:53

Ke pi’ e tin ni bfel’ ban’en ngak e pi’in yad be yim’ ko bilig, ma ke pag e pi’in pire’ ban’en rorad karanod ndariy ban’en u pa’rad.

Deuteronomy 26:5

Ma aram e ngamog e pi thin ni ba’aray u p’eowchen SOMOL: ‘Ga’ rog kakrom e be’ u Aramea, ni be’ ndariy tafen me fek chongin e tabnaw rok nga Egypt ni ngar pired u rom. Ranod ngaram ni yad ba lich, machane miyad yo’or ngar pired ni yad ba nam nib ga’ ma ba gel.

1 Peter 5:3

Dab mu guyed rogon ni ngam suweyed e pi’in kan pi’rad ngomed ni ngam gafaliyed yad, machane ngam pired ni bfel’ pangimed ya ngu’ur folwokgad romed.

1 Samuel 2:8

Ir e ma pug e pi’in gafgow u fithik’ e fiyath ngalang ma chibiy e pi’in nib t’uf e ayuw rorad ngalang nge chuwegrad u fithik’ e gafgow rorad. Ma gagiyeg nagrad ngar manged pi tafager rok pifak e pilung, me tayrad ko yungi n’en nra un tay farad riy. Pi def ko fayleng e ba mil suwon ngak SOMOL; nu daken e ayliy e fayleng ngay.