Psalms 66:15 - Bible Ni Thothup

¹⁵ Bay gu pi’ e saf ni ngan urfiy u daken e altar; bay gu maligach ko garbaw nge kaming, ma ath riy e bay i taw ngalan nga lanelang.

Psalms 66:15 Σταυροειδείς Αναφορές

2 Samuel 6:13

Fapi girdi’ ni kar mat’niged fare Kahol ko M’ag e nap’an ni nga nel’ yay ni kar ruf’ed ayrad, me li’ David ba garbaw nge ba saf nib sugsug nge pi’ ngak SOMOL ni maligach.

Ezra 8:35

Gubin e kalbus ni karsulod u bang e rafeked e maligach rorad i yib ni ngan urfiy ngan pi’ ngak fare Got nu Israel. Ra pi’ed ni maligach ragag nge l’agruw e garbaw ni pumo’on ni fan ngak ga’ngin yu Israel, nge mereb i ragag nge nel’ e saf ni pumo’on, nge medlip i ragag nge medlip e pifak e saf; mu kura pi’ed ragag nge l’agruw e kaming ni nge be’ech nagrad ko denen. Gubin e pi gamanman ney ma ni urfiy ni maligach ngak SOMOL.

Psalms 51:19

Ma aram me felan’um ko pi maligach romad, nge pi maligach ni mo’oruf; mu’un li’ e garbaw ni pumo’on u daken e altar rom nga ni pi’ ngom ni maligach.

Jeremiah 41:5

me taw meruk i ragag e pumo’on nu Shekem, ngu Shiloh, nge yu Samaria. Kar puyed sorbarad ma kar guchthuyed e mad u dakerad ma kar rasayed dowrad. Kar feked e grain nge incense ni ngar pi’ed ni maligach u Tempel.

Numbers 6:14

ngam pi’ ngak SOMOL dalip i gamanman ndariy bochiyang u downgirad nib kireb: ba pifak e saf nib pumo’on nta’reb e duw yangren ni nge mang maligach ni mo’oruf, nge ba fak e saf ni bpin ni ku ta’reb e duw yangren ni nge mang ba maligach ni fan ko denen, nge ba saf ni pumo’on ni nge mang maligach nma gapaseg thilin Got nge girdi’.