Psalms 65:13 - Bible Ni Thothup

¹³ Ma yungi flang e ke sug ko saf, ma yochi loway e ke suguy e wheat; yad be tolul ma yad be tang ko felfelan’!

Psalms 65:13 Σταυροειδείς Αναφορές

BABYOR NI JOB 36:31

Irera’ rogon nma durwi’iy e girdi’ nma pi’ e ggan nib pag oren.

Psalms 144:13

Mang e yigi sug e pi naun ni tafen e cha’ar rodad ko gubin mit e wom’ngin e woldug. Mang e yigi yib pifak e pi saf u lan e pi flang rodad ni yu ragag e biyu’.

Psalms 72:16

Mang e yigi yo’or e grain u daken e nam; mang e yigi sug daken e yochi burey ko woldug, ngi i k’uf ni bod e woldug nu Lebanon. Mang e yigi sug e pi binaw ko girdi’, ni bod e pan u daken e pi flang.

Isaiah 30:23

Demturug e ngiyal’ ni gimed ra yung e woldug romed, ma Somol e ra pi’ e n’uw ni nge tugulnag e pi woldug romed me yo’ornag wom’ngin, ma gamanman romed e bayi pire’ e yungi n’en ni ngu’ur abichgad riy.

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Isaiah 49:13

Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.

Isaiah 52:9

Pin’en ni ka ni buthug u Jerusalem, mu tolul niged e felfelan’. SOMOL e ke fal’eg laniyan’ e girdi’ rok; ke chuweg fare binaw rok u pa’ e to’ogor rok.

Isaiah 55:12

“Bay mu chuwgad u Babylon u fithik’ e felfelan’; bay ni pow’iymed nga wuru’, e re binaw nem u fithik’ e gapas. Pi burey nge yochi burey e bay ra tanggad, ma pi gek’iy e bay ra tolul niged e felfelan’!

Jeremiah 48:33

Felfelan’ nge uf e kan chuweg ko fare nam nu Moab nib yong’ol but’an. Kug taleg l’ogwen e wayin ni yibe pirdi’iy; dakriy be’ ni nge ngongliy e wayin me tolulnag e felfelan’.

Joel 2:22

Pi gamanman, dab kum rusgad. Ya binaw nma tugul e pan riy e ke galunglung, ma gek’iy e ke k’uf; ke yo’or wom’ngin e fig nge grape.

Zekariah 9:17

Uw feni fel’ nge feni fel’usun e re but’ nem ni bayi par! Pi’in ni bfel’ yangren e yad ra gel mar ilalgad ko grain nge grape ni yad be kay.

Acts 14:17

Machane gubin ngiyal’ ni be micheg ir u daken urngin e tin ni bfel’ ni be rin’, ya ma pi’ e n’uw ngomed u lang nge galwog u ngal’an; me ir e ma pi’ e ggan ngomed mma fal’eg lanin’med.”