Psalms 61:4 - Bible Ni Thothup

⁴ Mu pageg ngu par rom u tafnam nib thothup u n’umngin nap’an e yafos rog; mu teg ngug par u tan pom ndariy ban’en nra buch rog.

Psalms 61:4 Σταυροειδείς Αναφορές

Psalms 15:1

SOMOL, mini’ e rayag ni nge th’um ngalan e Tempel rom? Mini’ e rayag ni nge un ko liyor u Zion, ni fare burey rom nib thothup?

Psalms 17:8

Mu ayuwegneg ni bod ni ga ma ayuweg e tir u marwam; mmithaggeg ko taglul’ u tan pom,

Psalms 23:6

Fel’ngim ngog nge fanag t’uf rom e rib muduwgil ni bayi un ngog u n’umngin nap’an e yafos rog; ma naun rom e bayi mang tabinaw rog u nap’an e yafos rog.

Psalms 27:4

Kug wenignag ta’a ban’en ngak SOMOL; ta’a ban’en e gu ba’adag, nggu par u lan e naun rok SOMOL u n’umngin nap’an e yafos rog, mu’ug ngat’ nga feni fel’ SOMOL, mu gog ngak ngi i pow’iyeg.

Psalms 57:1

A Got, nge wurngan’um ngog, ma ga runguyeg, ya kugub ngom ni nggu naf nga tan pa’am. taglul’ u tan pom e kug naf ngay nge taw ko ngiyal’ nike m’ay e yoko’.

Psalms 61:7

A Got, mang e yigi gagiyeg u p’eowchem ndariy n’umngin nap’an, mu yororiy ko fare t’ufeg rom ni dabimus nge fenam yul’yul’.

Psalms 62:7

I Got e ir e ke ayuwegneg ma ke gagiyegnag kan tayfag; Ir fare yoror rog nib gel; ma ir e manaf rog.

Psalms 63:7

ya gur e gubin ngiyal’ ni ga be ayuwegneg. Tagalul’en pom e gu be tang riy u fithik’ e felfelan’.

Psalms 90:1

Somol, gubin ngiyal’ ni gur e tabnaw ngomad.

Psalms 91:1

En nra yan ngak SOMOL ni nge dabi buch ban’en rok, en be par u tanggin gelngin e ayuw rok e En ni Gubin ma Rayag Rok,

Psalms 91:4

Ra upunguyem nga pon; ga ra par u tan pa’ ni dabi buch ban’en rom; feni yul’yul’ e ra yororiyem me n’ufegem.

Psalms 92:13

Yad bod e gek’iy nni yung ngalan e naun rok SOMOL, ni be dommal u lan e Tempel rok e Got rodad,

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Matthew 23:37

“Jerusalem, Jerusalem! Kam thang e pogofan rok e pi profet, ma kam malangnag e pi’in ni l’oegrad Got ngar feked e thin rok i yib ngom! Nge gaman e in yay ni kug guy rogon ni nggu kunuy urngin e girdi’ rom, ni bod ba alabal ni chugumiy pifak nga tan pon, machane da mpageg nggu rin’!

Hebrews 6:18

Ere gali n’ey e dabiyag ni nge thil ma dabiyag ni nge lifith Got l’ugun riy. Ere gadad e pi’in ni kad thapgad ngak Got e ka ni pi’ e athamgil nga lanin’dad ni ngad chichi’iyed pa’dad ko fare pagan’ ni ka ni pi’ ngodad.

Revelation 3:12

En nra gel nde pag ir ko kireb e ra gu tay ni ir reb e duga’ u lan e Tempel rok e Got rog, ma dabki chuw riy bi’id. Ma bay gu yoloy fithingan e Got rog nga daken, nge fithingan fare binaw rok e Got rog, ni fa bin nib be’ech e Jerusalem ni bay yib rok e Got rog u tharmiy nga but’. Ma bay ku gu yoloy fithingag nib be’ech nga daken.

Ruth 2:12

Mang e yigi pi’ SOMOL puluwom ko tin ka mu rin’; mang e yigi pi’ SOMOL puluwom ni polo’, ni fare Got nu Israel, ni ir e ka mub ni ngam naf nga tan pa’!”