Psalms 61:2 - Bible Ni Thothup

² Gu be piningem nike m’ath e liyab rog, ma gub palog u tabnaw. Mu fekeg ngabang ni dabi buch ban’en rog riy,

Psalms 61:2 Σταυροειδείς Αναφορές

Psalms 142:3

Nap’an nra yan ni nge mulan’ug, ma manang e tin nthingar gu rin’. U lan e kanawo’ ni gin gu be yan riy, e ke pacheg e pi to’ogor rog ba wup ni nggu aw ngay.

Psalms 143:4

Ke chuwan’ug ko gubin; kari math e liyab ngog.

Psalms 17:1

A SOMOL, mmotoyil ko wenig rog ni gu be ning e tin nib mat’aw; mu telim ngog ko man’ ayuw ni gu be tay! Motoyil ko meybil rog nri gub yul’yul’ ngay.

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 18:46

I SOMOL e bay nib fos! Ke sorok e en ni ta’ayuw rog. Mu weliyed murung’agen feni sorok fare Got ni ayuwegneg.

Psalms 27:5

Ra taw e oloboch ngog ma ir e manaf rog; me teg u lan e Tempel rok ni dabi buch ban’en rog, me teg nga daken ba war nib tolang ko gin ndariy ban’en nra buch rog riy.

Psalms 40:2

Me girngiyeg ngalang nggu chuw u lan ba low u thathren e riya’, nib low u fithik’ e rungdu’! Nge teg nga daken ba war nggu par ndabki buch ban’en rog.

Psalms 42:6

Kari kireban’ug u roy ko gin’ey ni gathi nam rog; ma aram me sulan’ug ngak. Ir e ke pi’ e pi n’ew ko gafgowan’ nga lanin’ug; be kumong lingan i yib ngog ni bod e sugbur, bod e pi thang’el ni ba dirra’ lingan ni be aw ngalan e lul’ ni Jordan ni be yib ko Burey nu Hermon nge Burey nu Mizar.

Psalms 43:5

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 55:5

Ke koleg e dugow gu be da’da’; ku gum’ ko morus.

Psalms 62:2

Kemus ni ir e be yororiyeg mma mat’aw nigeg ngak; ir e ma n’ufeggeg, ni dariy e n’en nra rin’ mu gu waer.

Psalms 62:6

Kemus ni ir be yororiyeg mma mat’aw nigeg ngak; ir e ma n’ufeggeg, ni dariy e n’en nra rin’ mu gu waer.

Psalms 77:3

Nap’an ni gu ra leamnag Got, mug gel’gel’; nap’an ni gu ra pi’ lanin’ug, me mulan’ug.

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Isaiah 54:11

Be ga’ar SOMOL, “Jerusalem, kam gafgow, gab binaw ndabiyag ni ngam ayuwegnem, ma dariy be’ ni nge fal’eg lanin’um. Bay gu ubung e pi deaf rom bayay ni malang nrib tolang paluwon e bay gu fanay ngay.

Luke 22:44

U fithik’ e re thamtham nem ni tay ni gowa kan chuchuy nga but’ e ri tay ir riy ko meybil; ma athuw u downgin e bod yu mey i racha’ ni be map’ nga but’.

Deuteronomy 4:29

U rom e bay um changar niged SOMOL ni Got romed riy; fa’an gimed ra gaweg u polo’ i gum’ircha’med ngu polo’ i lanin’med ma gimed ra pir’eg.