Psalms 60:1 - Bible Ni Thothup

¹ Got, kam n’agmad, ma kam waer nagmad; Ku’um damumuw ngomad; ma wenig ngom mu sul ngomad.

Psalms 60:1 Σταυροειδείς Αναφορές

2 Samuel 10:16

Me mol’og Hadadezer ni Pilung ni ngeyib e pi Syria ni yad bay nga ba’ ni ngek ko fare lul’ ni Eufrates, ma aram marbad nga Helam ni Shobach e be gafaliyrad, ya ir e ga’ ko fa raba’ i salthaw rok Hadadezer ni Pilung nu Zobah.

2 Samuel 5:20

Ma aram me yan David nga Baal Perazim, miyad mael e pi Filistine me gel ngorad u rom. Me ga’ar David, “I SOMOL e ke aw ngak e pi to’ogor rog ke weregrad ni bod ba lul’ ni ba ga’ ni sugubur nge yib e ran riy nga daken e binaw.” Ma aram min tunguy fithingan e gin’em ni yu Baal Perazim.

2 Samuel 8:14

Me n’uf e pi tent ko salthaw u lan yu Edom, ma girdi’ u rom e ra pired nga tan pa’ David. Me tay SOMOL David ngi i gel u gubin yang.

2 Samuel 8:3

Miki gel David ngak Hadadezer nib mo’on ni fak Rehob ni Pilung u Zobah, reb e binaw nu Syria, u nap’an ni be milekag Hadadezer i yan ni nge fulweg nga tanggin e gagiyeg rok bang e binaw ni bay nga pe’bugul e lul’ ni Eufrates.

2 Kings 14:7

I Amaziah e thang e fan rok 10,000 e salthaw nu Edom u lan fare loway ni Sol; me kol u tan e mael fare binaw nu Sela me tunguy fithingan ni Joktheel, ni ka aram fithingan e chiney.

1 Kronicles 18:3

Me migid me mael David ngak Hadadezer ni Pilung ko nug nu Zobah ko nam nu Soyria, nib chugur nga bang ni tafen Hamath, ya be guy Hadadezer rogon ni nge tafnay e ba’ ni talang fare lul’ ni Eufrates.

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

2 Kronicles 25:11

Mri athamgil Amaziah nge pow’iy fare raba’ i salthaw rok ngranod ko fare Loway ni Sol fithingan. Mar chamgad u rom ngar li’ed ragage bbiyu’ e salthaw nu Edom

Psalms 108:11

Rriyul’ ni kam n’agmad? Mog, dab kum un ngak e salthaw romad ko mael?

Psalms 44:9

Machane, chiney e kam digeymad ma kam pagmad kug waergad; dakmur un ngak e pi salthaw romad ko mael.

Psalms 59:1

Got rog, mu chuwegeg u pa’ e pi to’ogor rog; mu yororiyeg rok e pi’in yad be cham ngog!

Psalms 59:11

Got, dab mu li’rad, ya ri pag e girdi’ rog talin. Mu weregrad u gelngim ma ga waer nagrad, A Somol, ni tayoror romad.

Psalms 60:10

Got rriyul ni karim n’agmad? Mog, dab kum un ngak e pi salthaw romad ko mael?

Psalms 74:1

A Got, mangfan ni kam n’agmad ni aray rogon? Mog, yug ra um par ni gab damumuw ko girdi’ rom ni dariy n’umngin nap’an?

Psalms 79:5

SOMOL, ga ra par ni gab damumuw ngomad ni dariy n’umngin nap’an? Ra par e damumuw rom ni be yik’ ni bod ba nifiy ni dabital?

Psalms 79:9

A Got, mu aywegmad nge pogofan romad; mu ayuwegmad ma ga n’agfan u wun’um e denen romad ni bochan fithingam ni nge par nib gil.

Psalms 80:1

Gur fare tagafaliy e saf nu Israel, mmotoyil ngomad; mu rung’ag e meybil romad, gur e tagagiyeg romad. Kam par nga tagl’im ngalang ko kerubim

Psalms 80:3

A Got, mu fulwegmad! Mu dag e runguy rom ngomad, ya nge dabi buch ban’en romad!

Psalms 85:4

A Got nta’ayuw romad, mu fulwegmad, ma dab ku mu dabuymad!

Psalms 89:19

Kakrom e mu dag u daken e thin rom ngak e pi tapigpig rom nib yul’yul’ ni lungum, “Ku gu te’eliyawnag ba salthaw nib gilbugwan, ku gu pi’ e chiya’ ko pilung ngak be’ ni gag e ku gu mel’eg u fithik’ e girdi’.

Psalms 89:3

Ke lungum, “Kug ngongliy e m’ag u thilmow fare mo’on ni gag e gu mel’eg; kug micheg bbugithin ngak e tapigpig rog i David nike lungug,

Psalms 89:38

Machane ka mu damumuw ngak fare pilung ni gur e mu mel’eg; ya kamn’ag ni kam pi’ keru’um ngak.

Psalms 89:7

Ba ga’ madgum u lan e mu’ulung ko pi thothup, yad gubin ni yad ba sak’iy ni ka ra ngat’gad ngom.

Psalms 90:13

A SOMOL, uw n’umngin nap’an ni ngki par e damumuw rom? SOMOL mu runguy e pi tapigpig rom!

Zekariah 10:6

“Bay gu pi’ gelngin e girdi’ nu Judah; ma bay gu ayweg e girdi’ nu Israel ni dabi buch ban’en rorad; ma bay i kireban’ug ngorad nggu fulwegrad nga taferad. Ni gowa dag fek owcheg rorad. I Gag SOMOL ni Got rorad; bay ug fulweg taban e meybil rorad.

1 Samuel 13:11

Me ga’ar Samuel, “Mang e kam rin’?” Me fulweg Saul ni ga’ar, “Kug guy e girdi’ ni yad be yan ni aram e kar paged gag, ma dawor mub ni bod ni mog ni ga ra rin’, ma ke mu’ulung e pi Filistine nga Mikmash.

1 Samuel 4:17

Me fulweg fa’anem ni kanol’og ni ga’ar, “Piyu Israel e kar milgad rok e pi Filistine; ya kad waergad! Ma ku er rogon fa gal pumo’on ni fakam i Hofni nge Finehas ni kan li’row kar m’ow, ma ka ni fek fare Kahol ko M’ag rok Got!”