Psalms 57:6 - Bible Ni Thothup

⁶ Ke pag e pi to’ogor rog bangi nug ni nggu aw ngay; kari paraw lanin’ug. Ka ra kired ba low u lane kanawo’ rog, machane yad e kar mulgad nga langgin.

Psalms 57:6 Σταυροειδείς Αναφορές

1 Kronicles 29:10

U rom u p’eowchen fare ulung ni ga’ngin me pining David ni Pilung e sorok ngak SOMOL. I ga’ar, “SOMOL ni Got rok e chitamngimad i Jakob, ngu’un pining e sorok ngom ni manechibog ko pichibod!

1 Kronicles 29:11

Ba gil bugwam ma ga ba gel, mab sorom, ma dariy thibngim ma gil’ilungum e ba polo’ u fayleng. Gubin ban’en nu tharmiy ngu fayleng ni go’ tirom, me gur e pilung, tagagiyeg ni th’abi tolang u gubin e gagiyeg.

Psalms 108:6

Mu ayweg e pogofan romad u gelngim; mu fulweg taban e meybil rog, ya nge dabi buch ban’en ko pi’in yad ba t’uf rom.

Psalms 140:5

Girdi’ nib tolangan’rad e kar fal’aged ba tafich ni fan ngog; kar ted e wup rorad, ma to’oben e wo’ kar ted e pi tafich ngay ni ngar koledgag.

Psalms 142:3

Nap’an nra yan ni nge mulan’ug, ma manang e tin nthingar gu rin’. U lan e kanawo’ ni gin gu be yan riy, e ke pacheg e pi to’ogor rog ba wup ni nggu aw ngay.

Psalms 143:4

Ke chuwan’ug ko gubin; kari math e liyab ngog.

Psalms 145:14

Ma ayuweg urngin e pi’in ke yib e gafgow ngorad; ma pi’ e athamgil nga laniyan’ e pi’in ke mulan’rad.

Psalms 42:6

Kari kireban’ug u roy ko gin’ey ni gathi nam rog; ma aram me sulan’ug ngak. Ir e ke pi’ e pi n’ew ko gafgowan’ nga lanin’ug; be kumong lingan i yib ngog ni bod e sugbur, bod e pi thang’el ni ba dirra’ lingan ni be aw ngalan e lul’ ni Jordan ni be yib ko Burey nu Hermon nge Burey nu Mizar.

Psalms 8:2

sorok ni be pining e pi bitir nge pi madway ngom. Ir e mu maruwel ngay nge mang yoror rom ko pi to’ogor rom, ma ir e nge taleg e pi to’ogor rom nge pi’in ke sap lanin’rad ngom.

Proverbs 28:10

Fa’anra mu bannag be’ nib yul’yul’ nge denen, ma ga ra mul ngalan e wup ni ka mu tay. Ma be’ ni bfel’ e rok e ra yib puluwon ngak ni bfel’.

Proverbs 29:5

Fa’anra ga be pi’ e pi tafger rom ngalang ko thin, ma ga be ngongliy e wup nib sor ngom.

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Numbers 14:21

machane rogon feni riyul’ ni gu be par ni gub fos nge feni riyul’ ni kug sugnag e fayleng,