Psalms 57:4 - Bible Ni Thothup

⁴ Ke liyegeg e pi to’ogor, ni yad bod e layon nib talonguy e girdi’. Nguwelrad e bod bogi sarey nge gan e gat’ing; ma bolowtherad e bod yungi saydon nib m’uth.

Psalms 57:4 Σταυροειδείς Αναφορές

BABYOR NI JOB 41:14

I mini’ e rayag rok ni nge bing l’ugun, nib fach e nguwol riy ni yira rus ngay?

Psalms 10:9

yad ma son ko gin ka ra mithgad riy ni bod e pi layon. Yad ma pach ni yad be sonnag e pi’in gafgow; miyad kolrad ko wup rorad miyad girngiyrad ngabang.

Psalms 35:17

SOMOL, bu uw n’umngin nap’an ni kemus ni ngu’um sap? Mu lageg ko cham rorad mu ayuweg e fan rog u pa’ e pi layon ney!

Psalms 43:3

Mpi’ e tamilang rom nge thin rom nib riyul’ nge yib ngog, ngar pow’iyew gag miyow fulwegneg nga Zion, ko burey rom nib thothup, nge ngalan e tempel rom, ko gin ga ma par riy!

Psalms 52:2

Ga be t’ar liben ni nge math owchen boch e girdi’; balowthem e bod bangi resa nib m’uth. Gubin ngiyal’ ni ga ma tunguy e thin.

Psalms 55:21

Thin rok e ba munguy ko che’, ma gumircha’en e ba sug ko fananikay; thin rok e bod feni sumnguy e gapgep, machane ma th’abey ni bod yungi saydon nib m’uth.

Psalms 58:6

A Got, mu tet’ar nguwolen e pi layon ni tak’ad,

Psalms 59:7

Mu telim ko yaba’ ni yad be tay nge thin ni yargal. Balowtharad e bod e saydon u lan l’ugunrad, ma yad be leamnag ni dariy be’ ni be rung’ag lungrad.

Psalms 64:3

Yad be uthum bolowtherad ni bod yungi saydon, yad be pulweg e thin ni kireb ni bod bogi gan e gat’ing.

Proverbs 12:18

Marog thin e rayag ni nge maad’ad nga laniyan’ be’ nib to’ar ni bod bangi saydon, machane thin nnog nib gonop e rayag ni gol nigey.

Proverbs 25:18

Dum’thin nga daken be’ e ri ba ubchiya’ ni bod ba saydon ni talin e maad’ad, fa baley i gul, fa ba gan e gat’ing nib m’uth.

Proverbs 28:15

Girdi’ nib gafgow e ba waer gelingrad u puluwon ba tagagiyeg nib kireb; rogon ngorad e bod ba layon ni be tolul ni kanim’ ngak ko morus ara ba bear nike taf daken.

Proverbs 30:14

Bay boch e girdi’ ni kemang i tay ngorad ni yad ma gafgownag e pi’in gafgow nge pi’in nib t’uf e ayuw rorad ni bochan e nge yag gubin ban’en ngorad.

James 3:6

Ma bolowthey e bod ba nifiy. Ya ba fayleng nib sug ko kireb, ni be par ko gin ntagil’ u dowdad ma be wereg e kireb nga fithik’ i dowdad ni polo’! Me ir e ke tay e nifiy nga urngin i pangidad u roy u fayleng nike urfiy ko nifiy ni yib ngak ko fare nifiy ni dabi math bi’id.

Revelation 19:15

Me yib ba saydon u lan l’ugun nib m’uth, ni ir e nge maruwel ngay nge gel ngak e pi nam. Bay mang ir e i gagiyeg nagrad nga ba ley i wasey, ma bayi uduy e grape u lan fare n’en nma uduy e grape u lan, ni aram e damumuw rok Got ni Gubin ma Rayag Rok.

Judges 9:20

Ma ra dangay, ma nge yib e nifiy rok Abimelek nge urfiy e pumo’on nu Shekem ngu Bethmillo. Ma nge yib e nifiy rok e pumo’on nu Shekem ngu Bethmillo nge urfiy Abimelek.”