Psalms 55:15 - Bible Ni Thothup

¹⁵ Mang e yigi yim’ e pi to’ogor rog ni dawori taw nga nap’rad; mang e ranod ni kayad bafos nga’ar ko fayleng ko yam’! Ya ba sug gumircha’rad nge lan taferad ko kireb.

Psalms 55:15 Σταυροειδείς Αναφορές

2 Samuel 17:23

Ma fa’ani guy Ahithofel nda nfol ko tin keyog, me af nga daken e dongki rok nge sul ko birok e binaw. Me fal’eg rogon e tirok ban’en, nge mu’ me uchiliy k’angan. Mi ni yan ni chibgiliy ko re low ni ba’aram ni yima chibgiliy girdi’en e tabinaw rok ngay.

2 Samuel 18:14

Me ga’ar Joab, “Dab ku gu adbey e tayim rog ngom.” Me fek dalip e sarey nge yan i pag nga ngorongoren Absalom ni kabfos, nike gafgaf u pa’ngin fare ke gek’iy ni oak.

2 Samuel 18:9

Me gin Absalom ma kar mada’gad boch e salthaw rok David. Ma bay Absalom u daken ba gamanman ni mule, ma nap’an ni mil fare mule u tan ba ke gek’iy ni oak ni ba ga’ ken, me mit piyan lolugen Absalom nga fithik’ i papa’ngin. Me mil fare mule u tanggin nge yan me par Absalom nike tagafgaf.

Psalms 59:13

mu thang owcharad u fithik’ e damumuw rom; mu thirifrad u but’. Ma aram me nang gubin e girdi’ ni Got e be gagiyeg u lan yu Israel, ma gagiyeg ni be tay e ke garar u ga’ngin e fayleng.

Psalms 64:7

Machane, me pag Got e gat’ing rok ngorad, miyad maad’ad nib tomgin.

Psalms 9:17

Yam’ e ir ra yan i mus e pi’in kireb ngay, ni gubin e pi’in nra paged Got.

Matthew 26:24

Ya en ni Fak e Girdi’ e bay yim’ ni bod rogon nike yog e babyor nib thothup murung’agen, machane kari gafgow e re mo’on nem ni ir e bay yagnag e en ni Fak e Girdi’! Ya fa’an manga da ni gargelnag ma kabfel’!”

Matthew 27:5

Me yin’ Judas fapi salpiy ni wasey nga but’ u lan e Tempel me pagrad; ma aram me yan nge yan i og nga opol.

Acts 1:25

ni nge fek e re gaf i maruwel ko apostel ney nike pag Judas ke yan ko gin ni ir e mmil suwon ngay.”