Psalms 54:3 - Bible Ni Thothup

³ Girdi’ nib tolngan’rad e karbadnag e cham ngog; girdi’ ndariy e runguy rorad e yad be guy rogon ni ngar thanged e pogofan rog — bogi girdi’ ni der un Got u wan’rad.

Psalms 54:3 Σταυροειδείς Αναφορές

Psalms 16:8

Bay SOMOL u lanin’ug ni gubin ngiyal’; bay nrib chugur ngog, ma dariy ban’en nrayag ni nge rurgeg.

Psalms 20:2

Mang e yigi pi’ e ayuw ko Tempel rok ko fare Burey nu Zion ngeb ngom.

Psalms 22:16

Baraba’ i girdi’ ni yad ba kireb e kar longobiyed gag; ni bod ba ran’ i pilis, ni yad be chugur i yib ngog; yad be girengiy pa’ag nge eg.

Psalms 36:1

Denen e ma non nib toy’ar u fithik’ i laniyan’ be’ nib kireb; be’ nike faluwes nag Got ma dariy doguwen u wan’.

Psalms 40:14

Mang e yigi par e pi’in yad be guy rogon ni ngar thanged e fan rog ni ka ra waergad ma ke wagagey lanin’rad! Mang e yigi par e pi’in ni kar felan’gad ni bochan e pi oloboch nike yib ngog ngar sulod nike m’ayfarad!

Psalms 43:1

Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

Psalms 53:4

Me fith Got ni ga’ar, “Gur, dar nanged? Gur pi chan’ey ni yad be ngongliy e kireb e de tamilngan’rad? Kar pired ni yad be mororo’ ko tirog e girdi’ u fithik’ e yargal, ma dariy bangiyal’ ni yad ma meybil ngog.”

Psalms 69:8

Kug bod ba milekag ngak pi girdi’eg, gowa gu be’ u bang ngak e girdi’ ko tabnaw rog.

Psalms 86:14

A Got, girdi’ ni tolngan’ e karbad ni togopluw ngog; ma barba’ i girdi’ ni kireb e yad be guy rogon ni ngar thanged e pogofan rog, ni girdi’ ni dariyfam u wan’rad.

John 16:3

Bay rrin’ed e pin’ey ngomed ya dawor ra nanged e en ni Chitamangiy ara gag.