Psalms 53:4 - Bible Ni Thothup

⁴ Me fith Got ni ga’ar, “Gur, dar nanged? Gur pi chan’ey ni yad be ngongliy e kireb e de tamilngan’rad? Kar pired ni yad be mororo’ ko tirog e girdi’ u fithik’ e yargal, ma dariy bangiyal’ ni yad ma meybil ngog.”

Psalms 53:4 Σταυροειδείς Αναφορές

Psalms 27:2

Ngiyal’ nra cham e girdi’ nib kireb ngog ni yad be guy rogon ni ngar thanged e fan rog, ma ra tun ayrad ngar dol’gad.

Psalms 94:8

Girdi’ rog, mang e gimed mrin’ ni gimed balyang ni minan’? Fin wi’in e nge mit ban’en ngomed?

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Jeremiah 10:25

Mu sapeg e damumuw rom ko pi nam ndarir liyor gad ngom nge nga daken e pi’in ni ka ra furyed gur. Kar li’ed e girdi’ rom; ma karted gamad ko bin but’ e fol ka ra paged e nam romad ni dakriy woton u but’.

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”

Revelation 17:16

Ma fa ragag i gagey ni kam guy nge fare gamanman e bay ra fanenikayed fare pin nma chuway’ ngak; bay ra feked urngin ban’en rok miyad pag ndakuriy e mad u daken; ma bay ra longuyed e ufin u downgin miyad li’ ko nifiy ngem’.