Psalms 52:9 - Bible Ni Thothup

⁹ Got, bay gu pining e magaer ngom ni gubin ngiyal, ko n’en ni kam rin’; bay gu weliy u p’eowchen e girdi’ rom nri gab manigil.

Psalms 52:9 Σταυροειδείς Αναφορές

Ester 5:11

Me par ngi i ufan sorok nga feni fel’ rogon, nge feni yo’or e pagel ni fak, nge rogon nike tolangnag e en pilung ko liw rok, nge feni rib ga’ fan u fithik’ urngin e pi tolang u tan pa’ e en pilung.

Psalms 146:2

Bay u gu pining e sorok ngak u n’umngin nap’an ni gu be par ni gub fos; Bay u gu tangnag e Got rog u n’umngin nap’an e yafos rog.

Psalms 27:14

Mu pagan’um ngak SOMOL! Nge michan’um ngak, dabi mulan’um. Mu pagan’um ngak SOMOL!

Psalms 30:12

Ere dab gu th’ab gulungag; bay gu tangnag e sorok ngom. SOMOL, I gur e Got rog; Bay gu pining e magaer ngom ni manemus.

Psalms 40:1

Gu son gu sonnag e ayuw rok SOMOL; me motoyil ngog me rung’ag lamag ni gu be wenig ngak ni nge ayuwegneg.

Psalms 54:6

A SOMOL, rib felan’ug ngay ni gu ra pi’ ba maligach ngom; bay gu pining e magaer ngom ni bochan e gab manigil.

Psalms 62:1

Gu be gum’an nigeg gu be sonnag Got ni nge ayuwegneg; kemus ni ir e gu ma toer ngak.

Psalms 62:5

Kemus ni Got e gu be toer ngak; ni ir ke l’agan’ug ngak.

Psalms 73:28

Machane gag e kari felan’ug, ya gu be par u to’oben Got! U charen SOMOL Nib Th’abi Tolang e kug par riy ndabi buch ban’en rog, ma bay ug weliy urngin e tin ke rin’ ngan nang.

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.