Psalms 52:8 - Bible Ni Thothup

⁸ Me gag e gu bod bake gek’iy ni olive ni galunglung u lane naun rok Got; Ke pagan’ug ko t’ufeg rok ni dabi mus ni manechibog ko pi chibog.

Psalms 52:8 Σταυροειδείς Αναφορές

Psalms 1:3

I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

Psalms 128:3

Le’engim e bayi bod ba ke grape nike suguy e mak’uf l’ugun u lane tabnaw rom ma pifakam e bay ra boded e gek’iy ni olive nike liyeg e tebel rom.

Psalms 13:5

Kug toer ko t’ufeg rom ni dabimus; Bay gu felan’, ni bochan e ga ra chuwegeg u pa’rad.

Psalms 147:11

ya ma felan’ ngak e pi’in yad ma liyor ngak, ni pi’in nib pagan’rad ko t’ufeg rok ni dabimus.

Psalms 33:18

I SOMOL e ma yaliy e pi’in bay madgun u wun’rad, ni pi’in ke pagan’rad ko t’ufeg rok ni dabimus.

Psalms 58:11

Bayi ga’ar e girdi’, “Pi’in nib mat’aw e rriyul’ ni kan pi pulworad; rriyul’ ni bay ba Got nma pufthinag e fayleng.”

Jeremiah 11:16

Immoy bingyal’ ni ug gog ni yad bod bake gek’iy ni olive nib dammal yuwan mab yo’or wom’ngin ni fefelel’; ma chiney e bay gu tolul nib lingan dirra’ mu gup’ e nifiy nga yuwan mu gu tet’ar papa’ngin.

Roma 11:24

Ya gimed e pi’in gathi gimed piyu Israel, e gimed bod pa’ngin ba ke gek’iy ni olive nda ni yung, ni kan t’ar kan puthuy nga ba kaen e gek’iy ni olive nni yung, ni ban’en ni gathi yima rin’. Piyu Israel e yad bod e re ke gek’iy ni olive ney nni yung, ni kab mom ku Got ni ngki fulweg e pi pa’ngin e re ke gek’iy ney nike t’ar ngki puthuy ko re ke gek’iy ney ni ur moyed riy.