Psalms 52:3 - Bible Ni Thothup

³ Ba t’uf e kireb rom ko fel’ ma bo’or e tin malfith ni ga ma yog ko tin riyul’.

Psalms 52:3 Σταυροειδείς Αναφορές

Psalms 62:4

Kemus ni gimed ba’adag ni ngam girngiyed nga but’ u tagil’ nib gil; ma bfel’ u wan’med e sasalap. Gimed ma yog e thin ni fel’faen, machane lanin’med e be gernagey.

Proverbs 21:10

Girdi’ ni kireb e gubin ngiyal’ ni yad ma yim’ ni bochan e kireb; ma darir rrungyed be’.

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”

Jeremiah 9:8

Bolowothrad e bod gan e gat’ing ni yira yim’ riy; gubin ngiyal’ ni yad ma lufith l’ugunrad. Yad gubin ni yad ma non nib simnguy ko en ni yad bbuguliyoror, ma bin rriyul’ e yad be tay e wup ni ngar awgad ngay.

Mikah 3:2

machane dabumed e tin ni bfel’, ya ba t’uf romed e tin nib kireb. Gimed be fathiy e biyach u downgin e girdi’ ni ka yad ba fos ma gimed be fathiy e ufin ko yil rorad.

John 8:44

Gimed e pifak e chitamangimed, ni fare mo’onyan’, ma gimed ba’adag ni ngam folgad ko tin nib m’agan’ e chitamangimed ngay. Ka nap’an ko tabolngin ni i par ni ir be’ nma thang e fan rok e girdi’; dariy ba ngiyal’ nike yib nga ba’ rok e tin riyul’, ya dariy e tin riyul’ rok. Ya ngiyal’ nra lifith l’ugun riy e aram e be rin’ ban’en nib mecham ngak, ya ir be’ nma lifith l’ugun me ir e chitamngin urngin e malulifith.

Roma 1:25

Kar thiliyeged e tin riyul’ ni murung’agen Got ko tin nde riyul’; yad be tayfan ma yad be meybil ma yad be pigpig ko tin ni sunumeg Got ma darir rin’ed ngak e Cha’ ni ir e sunumeg urngin ban’en, ni ir e nganog e sorok ngak ndariy n’umngin nap’an! Amen.

2 Timothy 3:4

ma dabiyag ni nge pagan’uy ngorad, ma dariyfan e girdi’ u wun’rad, ma yad ba uf; ma bayi t’uf e fafel rorad me tomur Got u wun’rad;

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.